Skjåk folkebibliotek

Nye bøker

2012-01-25T02:51:00.000-08:00

Klikk på boka!

Filmen frå Grotli - "Into the White"

2012-01-17T10:03:00.000-08:00

Har premiere 9. mars
Filmen, som lengje hadde arbeidstittelen "Comrade" - men som no skal heite "Into the White", har premiere 9. mars.

27. april 1940
Høgt over fjella vest for Skjåk kjempar to fly ein kamp på liv og død. Begge styrtar. To engelske og tre tyske soldatar overlever nødlandinga og søkjer tilfeldigvis ly i samme hytte. Dei er fiendar, men må samarbeide for å overleve.

Her kan du sjå traileren frå krigsdramaet på Grotli.Filmen har fleire store skodespelarar på rollelista. Blant andre Harry Potter-stjerna Rubert Grint. Han speler bestevennen til Harry Potter, Ron Weasley.

Sjå godt etter - kanskje får du auge på ein av statistane frå Skjåk :)

Les meir på FILMWEB.

Magnhild Bruheim på topp

2012-01-14T00:27:00.000-08:00

Topp 3 kjem frå Nord-Gudbrandsdalen

Med bøkene "På flukt" og "Det som ein gong var" ligg Magnhild Bruheim frå Skjåk på utlånstoppen for 2011 i Skjåk. Magnhild Bruheim har skrive fleire bøker for både ungdom og vaksne.

Ti på topp - vaksne

Boka til Ragnhild Kolden ligg som nr 2, mens krimboka til Vigdis Kroken og Ragnhild Kolden, begge frå Lom, ligg som nr. 3.

Ti på topp - barn/ungdom

Magnhild Bruheim toppar lista for barn og ungdom. Bøkene til Jørn Jensen er populære, han er representert med heile 7 bøker.

Nye bøker

2012-01-09T04:31:00.000-08:00

Utstillinga "Mennesket i aktivitet"

2012-01-09T00:41:00.000-08:00

På Skjåk folkebibliotek

Kom å sjå den flotte utstillinga som elevar i 8. klasse ved Skjåk ungdomsskule har laga. Utstillinga heiter "Mennesket i aktivitet".

Her er det stor aktivitet!

Opningstider jula 2011

2011-12-09T03:31:00.000-08:00

Eit juledikt av Olav Øygard

2011-12-05T00:51:00.000-08:00

Les om Olav Øygard frå Skjåk her :)

Stemningsfull konsert

2011-11-25T05:47:00.000-08:00

Svein Bjotveit

Mange tok turen til biblioteket torsdag kveld for å få med seg lanseringa av cd-en til Svein Bjotveit - "Kjeåsen blå". I løpet av dei siste 40 åra har han skrive omlag 150 viser, 12 av dei er på denne cd-en.

Svein seier at har har laga ei "naken" plate der tekstene får stå i sentrum. Han har skrive alle tekstane og melodiane sjølv. Vi fekk høyre fleire stemningsfulle viser og det var tydeleg at publikum kosa seg. Ei av visene skilte seg ut med raskare rytmne og eit humoristisk preg, nemleg tittelsporet "Kjeåsen blå".

Her er fyrste verset med refreng. Visa har 7 vers.

Kjeåsen blå

Ein dag va' all mi tvil forbi

eg stimde te budeia mi

Hu låg der med sitt krydderi

og venta på litt frieri

Hormonene va' gått amok

eg for opp langs eit geiteråkk

øve berg og ur og stokk

te hu' så drog med lur og lokk

E' det liv, e' det lov, e' det lov, e' det liv

har du lust, har du lov, e' du tyst, ta ein tår.

Eg tippar denne plata vil liggje under mangt eit juletre i år og at vi får høyre fleire viser frå denne karen i framtida. Svein er rett og slett god til å syngje og han er god til å spele gitar og munnspel.

Visekonsert

2011-11-15T09:45:00.000-08:00

Lanseringskonsert

Torsdag 24. november kl 19.30 er det lanseringskonsert med Svein Bjotveit på biblioteket. Kom og høyr Svein opptre med eigne viser frå den nye CD-en sin, "Kjeåsen blå".

Det er gratis inngang og enkel servering :)

Velkomen!

Lunsj og lyrikk i Vågå

2011-11-08T10:14:00.000-08:00

Bokhandelen kafè i Vågå

Bjørn Sigurd Glorvigen og Even Lusæter, underheld med fjelldikt, visesong og folkemusikk på Bokhandelen kafé i Vågå laurdag 12. november kl. 12.00.

Det er biblioteka i Nord-Gudbrandsdalen i samarbeid med Mållaget Ivar Kleiven som står for arrangementet.

Velkomen!

Datakurs

2011-11-07T09:23:00.000-08:00

Datakurset hausten 2011

I dag har vi avslutta det årlege datakurset vi har på biblioteket. Nytt av året er at vi har hatt eit samarbeid med Eldrerådet i Skjåk og Oppland fylkesbibliotek.

Vi har vore innom ulike tema som tekstbehandlig, tastatur, nettbank, internett, e-post m.m. Kurset vart avrunda med ein "uhøgtidleg" eksamen kor samtlege deltakarar fekk BESTÅTT.

Deltakarane gav uttrykk for at dei var nøgde med kurset og at dei ynskjer fleire kurs.

Artikkel frå "Fjuken" 3. november 2011:

Klikk på artikkelen for større tekst

Biblioteket er stengt frå 24. til 28. oktober

2011-10-21T03:09:00.000-07:00

Grunna omlegging til nytt datasystem

Biblioteket er stengt frå måndag 24. til fredag 28. oktober grunna omlegging til nytt datasystem.
Datakurset vi har måndag går som planlagt.

Laurdag same veke er det ope att. Velkomen innom da!

Populær forfattar

2011-10-12T08:26:00.000-07:00

Vera Henriksen er født i Oslo i 1927. Familien busette seg fast i Lom i 1978. Ho budde i USA mellom 1946 og 1963. Der studerte ho arkitektur og kunsthistorie.

Ho har eit omfattande forfattarskap bak seg. Ho har skrive mange bøker med handling frå mellomalderen og andre historiske epokar. Fleire av bøkene hennar tar opp den problematiske overgangen frå norrøn gudetru til kristendom.

Ho debuterte i 1961 med boka Sølvhammeren, som er første del av Sigrid-trilogien. Bok nummer to, Jærtegn, kom i 1962, og den siste boka, Helgenkongen, kom året etter. Denne serien fekk stor suksess. Henriksen har også skrive sogespel, blant anna Asbjørn Selsbane og Sverdet, og dessutan sakprosa, som historia til Luftforsvaret.

På biblioteket har vi laga ei utstilling med bøkene hennar.

Les meir om Vera Henriksen i Store norske leksikon sin artikkel.

Konsert med Tom Roger Aadland

2011-10-04T09:30:00.000-07:00

Bob Dylan på nynorsk

Kom og høyr Aadland syngje frå den nye plata si ”Det du aldri sa” og ”Blod på spora”, Bob Dylan på nynorsk på biblioteket torsdag 20. oktober kl 19.30. Det blir garantert ein stemningsfull konsert.

Her er ein smakebit :)

"Vikla inn i Blått" = "Tangled Up in Blue", er ein song av Bob Dylan. Songen er opningssporet på Blood on the Tracks frå 1975. Rolling Stone rangerte songen på 68. plass på lista deira over dei 500 største songane gjennom tidene. Her er den nynorske versjonen:

Datakurs

2011-09-29T23:54:00.000-07:00

Har du lyst til å lære data?

Eller kjenner du nokon som kan tenkje seg det?

Slik samfunnet utviklar seg, krevst det meir og meir kunnskap i bruk av data. Mange tenester er i dag nettbaserte. Ynskjet er at alle, også den eldste del av befolkninga skal bli i stand til å nyttiggjere seg dette verktøyet.

På biblioteket kan du få opplæring og rettleiing i å bruke data, anten du er heilt nybyrjar eller kan litt frå før. Vi har kurs i grunnleggjande dataopplæring i tastatur, e-post, tekstbehandling, internett, nettbank m.m.

Vi ynskjer deg velkomen til datakurs!

Påmelding til Skjåk folkebibliotek

tlf 61 21 43 00

Seniorsurf 29. september

2011-09-09T04:04:00.000-07:00

Gratis rettleiing for deg som er +55

På Seniorsurf-dagen ser vi på nybyrjarstoff som tastatur, mus, symboler, sosiale medier, YouTube og internett. Får du lyst til å lære meir etter denne dagen, kan du melde deg på det årlege datakurset vi har på biblioteket.

Meld deg på SeniorSurf-dagen 2011 ved å ringe Skjåk folkebibliotek tlf: 61 21 43 00.

Velkomen!

Klikk på plakaten 2 gonger for å sjå større bilete

"Når ein først skal skyte nokon" av Arnfinn Kolerud

2011-08-23T08:54:00.000-07:00

Utruleg morosam bok!

Dette er ei heidundrandes bygdeforteljing med sjølvaste Ivar Aasen som sin øvste beskyttar. I bygda Vassbygda klamrar dei seg til nynorsken. Problemet er at vassbygdingane ikkje klarer å einast om nokon ting, ikkje ein gong om dei bur i Vassbygda eller Vassbygdi. Sylvia på a-sida køyrer rundt i ein Audi med Auda-skilt, Uføre på i-sida, har ein Toyota med Toyoti-skilt.

Boka opnar og endar med to brotsverk. Begge desse vert utførte av Orm Åkerstein, og begge vert utførte som ein del av målstriden. Det fyrste er retta mot Posten, og er ein protest mot all reklamen som kjem på bokmål. Det andre er retta mot bjørnen Ivar i Dyreparken i Kristiansand, og vert gjort for å hindra at andre Ivarar kan stå i vegen for sjølvaste Ivar Aasen.

Elles er det mange andre døme på korleis ein kan kjempa for målsaka. Dirigenten i det lokale koret får gjennomgå skikkeleg etter at berre ein av åtte songar under ein konsert var på nynorsk. Han blir kidnappa og får ei behandling han seint vil gløyme. Dagleg leiar i Lillestrøm Sportsklubb får vitjing av ein buss vestlendingar som gjerne vil heie på Veslestraumen (Lillestrøm), og som har døypt heimebana om til Aar-Aasen. Sylvia reiser rundt til tinghus i bokmålskommunar for å be om bustøtteskjema på nynorsk. Bendik Uføre held føredrag om ein teori han har, nemleg at folk likar betre ord med mange vokalar. Sidan nynorsk har fleire vokalar enn bokmål, er det eit betre språk. Bendik Uføre gøymer seg i hyllene bak hvetemelet, for å passe på at ungane som kjem for å handle hvetemel, er klar over at det er kveitemjøl, og ikkje hvetemel dei skal heim å bake med.

Men den verkeleg store trusselen – i alle fall slik Vassbygdingane ser det – befinn seg altså i Dyreparken i Kristiansand i form av ein bjørnunge med navnet Ivar. Kva om bjørnungen blir like populær som apa Julius, og ingen lengre vil forbinde det tradisjonsrike gutenamnet med Ivar Aasen og i staden assosiere det til ein bjørnunge?

Bak lukka dører i Vassbygda/Vassbygdi leggjast det skumle planar for kva som må gjerast med bjørnungen…

Boka er den fyrste i ein trilogi. Eg gler meg stort til det neste bok!

Opningstider t.o.m. 9. september

2011-08-17T00:55:00.000-07:00

Tysdag        14 - 19
Onsdag       10 - 14
Torsdag       14 - 19
Fredag        10 - 14

Morgen i Jenin av Susan Abulhawa

2011-08-07T00:52:00.000-07:00

Ei palestinsk historie

Å sjå eit heilt folk si liding gjennom generasjonar nedfelt i ein konkret familie, gjer inntrykk - og dette er ei historie så blodig at det nesten ikkje er mogleg å ta inn over seg for eit menneske som aldri har opplevd okkupasjon, krig eller terror.

Ein liten palestinsk gut blir rive ut av mora sine armar og veks opp i ein jødisk familie.

Mange år seinare kjenner broren han att - ansikt til ansikt, på kvar si side i ein valdeleg konflikt. Dei to brørne har òg ei syster, Amal Abilheja. Amal vart født i ein flyktningeleir i Jenin og fortel om korleis israelske soldatar i 1948 brutalt fordreiv familien frå landsbyen, om lillebroren som vart borte i kaoset, og om korleis den andre broren vart ein jaga motstandsmann. Ho fortel familien Abilheja si dramatiske historie, gjennom flyktningtilvære, krig og terrorisme. Ho viser lesarane korleis nød og elende innverkar på menneskesinnet, korleis deira evne til empati og kjærleik blir skadelidande. Ei vakker og grusom historie.

Feit av Kristian Fjellanger

2011-07-19T00:23:00.000-07:00

Ironi og mykje humor (samt "litt" banning)

Ein ulukkeleg Kristian (140 kg) står i prøverommet og bestemmer, lett desperat, at nok er nok. Eitt år seinare har han slanka vekk halve seg.

Fjellanger tek eit oppgjer med alt frå lettknuselege heimegymapparat til slankekurar og helseguruane som står bak. Kva vil det seie å vere "normal", og kvifor gjer det så vondt? Han fortel ei imponerande historie om korleis han har slanka bort halve kroppsvekta si på eit år. Det er ikkje ei bok om slanking, men ei sjølvopplevd forteljing om kor avgjerande utseendet er for korleis samfunnet ser på deg, og kroppsfokusering og skjønnheitstyranni i Noreg i 2010.
Boka er underhaldande og godt skriven med mykje humor og ironi. Den fortener å bli lese og diskutert av mange!

Kristian Fjellanger har ein eigen blogg om menn og fett som heiter Mannsfett.

Vi er nr. 2 på utlånstoppen i Oppland

2011-07-06T02:59:00.000-07:00

Vi er stolte av å vere ein god nummer 2,

og gratulerer Lom som ligg på topp!

Utlånstoppen for folkebibliotek i Oppland 2010:

Utlån pr. innbyggjar:


1.	Lom	9,85
2.	Skjåk	7,67
3.	Jevnaker	7,43
4.	Øystre Slidre	6,68
5.	Etnedal	6,67
6.	Ringebu	6,23
7.	Sel	5,80
8.	Sør-Aurdal	5,76
9.	Vågå	5,61
10.	Lillehammer	5,49

Årsmeldinga kan du laste ned her: Årsmelding Oppland fylkesbibliotek 2010

Sommaropning 20/6 - 21/8

2011-06-20T02:10:00.001-07:00

Saras nøkkel

2011-06-03T02:09:00.000-07:00

av Tatiana de Rosnay

Ei sterk og dramatisk historie - fengslande fortalt

Vi er i Paris i juli 1942. Sara, ei 10 år snartenkt jødisk jente gøymer den yngre bror sin ved å låse han inne i eit skåp i leiligheita kor dei bur. Sara skjønar nemleg at noko grusomt er i ferd med å skje. Berre minuttar seinare blir familien arrestert på brutalt vis av det franske politiet, under den berykta jødearrestasjonen, Vel’d’Hiv. Sara har lova bror sin at ho snart skal hente han, ho gøymer nøkkelen og er overbevist om at ho snart er heime for å låse ut bror sin om nokre timar… Men timar blir til døgn, og Sara sin desperasjon blir større og større.

Det er to parallelle historier som blir fortalt. 60 år seinare, i forkant av minnedagen for Vel' d'Hiv, får den amerikanske journalisten Julia Jarmond eit oppdrag om å skrive ein artikkel om den svarte dagen i Frankrike si historie. Ho snublar etter kvart over Sara si historie og blir nærast besatt. Julia blir overbevist om ho må avdekke denne hendinga og finne ut kva som hendte med Sara og familien hennar. Samtidig pussar ho opp leilegheita til svigermor si, som viser seg å ha tilhøyrt ein jødisk familie som plutseleg forsvann i 1942. Det visar seg at Julia sin svigerfamilie spelar ei rolle i historia, noko som fører til stridigheiter i den fornemme familien.

På ein nær og spennande måte klarer Tatiana de Rosnay å fortelje om ei nærast gløymd og mørk historie. Om då det franske politiet, som på eige initiativ, arresterte 4115 born og skilde dei frå mødrene sine med bøtter av kaldvatn. Om då hussøkjande franskmenn overtok ledig husvære utan å stille spørsmål om kven og kvifor.

Som det står i romanen : ”Husk. Gløym aldri”.

God bok!

Ståk i Skjåk

2011-05-26T04:45:00.000-07:00

Laurdag 28. mai er det Ståk i Skjåk - som har vorte eit populært og årleg arrangement. I dei mange bodane i sentrum finn vi varer og produkt for sal eller framsyning. Elles er det m.a. tråtraktor og dokkevognparade, motbakkeløpet Flækkøyhøe Upp, loppemarknad, Flåklypa Grand Prix har kaffestopp i Bismo, kuturskulen har forestilling i Skjåkhallen og på kvelden er det fest i Mogard.

Sjå heile programmet for Ståk i Skjåk her.

Boksal og boksignering

I år skal det vere boksignering av den spennande krimboka Evig skal døden vera. Boka er som kjent skrive av Vigdis Kroken og Ragnhild Kolden. Dagbladet skreiv i si bokmelding at dette er VÅRENS BESTE KRIM.

På biblioteket kan vi óg freiste med fleire utstillingar. Vi har både ei knivutstilling av elevar frå ungdomsskulen og ei kunstustilling av elevar frå kulturskulen.

Velkomen innom!

Godt samarbeid - Dovre, Lesja, Sel, Vågå, Lom, Skjåk og Oppland fylkesbibliotek

2011-05-13T12:09:00.000-07:00

Ord om fjell - ei digital fjellvandring

Vi (dei 6 norddalsbiblioteka samt Oppland fylkesbibliotek) er veldig tilfredse med lanseringa av "Ord om fjell - ei digital fjellvandring. Vi hadde to arrangement - eit på Dovre og eit i Lom. Dyktige aktørar var med og kasta glans over opninga - Jon Eikemo, Bjørn Sigurd Glorviken, Even Luseter og Pål Svindland underheldt med både musikk og diktopplesing.

Her kan du sjå film og bilete frå opninga:

Jon Eikemo

2011-04-26T10:31:00.001-07:00

Lansering av diktbloggen

"Ord om fjell - ei digital vandring"

Kva er "Ord om fjell"?

"Ord om fjell - ei digital fjellvandring" er eit prosjekt som vart starta opp av dei 6 biblioteka i Nord-Gudbrandsdalen i samarbeid med Oppland fylkesbibliotek i 2010. Her samlar vi dikt som er relaterte til Nasjonalparkriket og til fjell generelt. Der det er gjeve samtykke om publisering på nettet, legg vi ut dikta i fulltekstversjon. Nokre av dikta kan du også høyre på. Prosjektet er støtta av Regionrådet for Nord-Gudbrandsdalen og Oppland fylkesbibliotek.

Ta ein titt på bloggen her :)

Klikk på bilete for større tekst.

Opningstider i påskeveka

2011-04-19T04:45:00.000-07:00

Tysdag 19. april 14 - 19
Onsdag 20. april 10 - 14

God påske!

Kunst og song i ein gong

2011-04-14T06:19:00.000-07:00

Høgtideleg

Oddrun i full sving

Det var ordførar Rolf Kristen Øygard som fekk det ærefulle oppdraget med å opne årets kunstutstilling av formgjevingsgruppa ved Skjåk kulturskule. Etter at tråden var klypt, fekk dei frammøtte både champagne og kanapèar (brus og brownies J). Utstillinga skal vere på biblioteket ut juni månad. Kom og sjå dei utruleg fine måleria!

Her ser du to av kunstnarane:
Sissel Eiesar og Kristin Rustad

Kunstnar
Kari Olstad

Den levande skogen

Ein time seinare var det karusellgruppa ved Skjåk kulturskule som hadde ein forkorta versjon av forestillinga "Den levande skogen". Med fine kostymar og kjempefin song fekk vi ein STRÅLANDE time. Her er ein liten smakebit frå framsyninga:

Det er Runa Aurmo som er lærar for både formgjeving- og karusellgruppa. Dyktig dame!

Påskekrim

2011-04-04T01:20:00.000-07:00

Boka er også filmatisert.
Vi har DVD-en.

Fenomenet oppstod ifølgje legenda i 1923 da ei krimbok skrive av Jonatan Jerv (eit fellespsevdonym for forfattarane Nordahl Grieg og Nils Lie) vart lansert ved påsketider på eit rimeleg originalt vis. Boka heit «Bergenstoget plyndret i natt» og forlaget lanserte den med annonser som såg ut som nyheitsoppslag på avisenes forsider.

Sjølv om det stod med liten skrift at dette kun var ei annonse, vart avisene nedringt av fortvilte folk som hadde familie og venner på toget.

Tips til påskekrim i år - grøssande krim frå Trondheim

I 1528 gjer ein ung, fransiskanermunk eit kort opphald i Bergen før han dreg nordover. Med seg frå byen tek han eit utval knivar og eit ubehandla skinn.

Nesten fem hundre år seinare dukkar det opp eit flådd lik på eit museum i Richmond, Virginia, og eit til i Trondheim. Begge drapa ser ut til å ha ein samanheng med Johannesboka, ei gammal tekst skrive på pergament.

Det er vakta Jon Vatten som gjer det grufulle funnet i Gunnerusbiblioteket i Trondheim. Ein av bibliotekarane er myrda på bestialsk vis, hovudet er hugga av, huda på liket er fjerna frå overkroppen. For Jon Vatten er mordet ei katastrofe. Han var den siste som såg bibliotekaren i live, dei delte ei flaske vin, og han hugsar ikkje kva som skjedde.

Ein gammal bokrygg som er trukke i menneskeskinn. Ei filosofisk læresetning som går att gjennom verdshistoria. Mord begått på kvar si side av kloda. Samanhengen er meir skremmande enn du kan tenkje deg ...

Grøss og gru - det er berre å glede seg til neste bok!

Dette er den fyrste romanen om den amerikanske drapsetterforskaren Felicia Stone og den norske politimannen Odd Singsaker.

Forfattar: Jørgen Brekke

Tittel: Nådens omkrets

Forlag: Gyldendal Norsk Forlag AS

År: 2011

376 s.

Krim frå Lom

Elles er det verdt å merke seg at det nyleg er utgjeven ei krimbok med handling frå Lom. Det er Vigdis Kroken og Ragnhild Kolden som har skrive ei bok saman. Vi har foreløpig to eksemplar, og har allereie fått ei tilbakemelding frå ein lånar om at boka var "jælma" spennande! Så her har vi noko å sjå fram til.

Forlaget skriv om boka:

Lom sentrum myldrar av påsketuristar, blant anna fleire utflytta lomværar som har hytter i området. Påskefreden blir brått eit mareritt når ei kvinne blir funnen brutalt drepen på hytta si.

Kort tid etter finn bakaren i Lom, Morten Schakenda, ein annan lomvær drepen, og politiet skjønar at drapa heng saman. Offera har gått i same klasse på ungdomsskolen og det er grunn til å tru at begge desse sakene har djupe røter i fortida.

Forfattarparet Kroken & Kolden er Vigdis Kroken, journalist og Ragnhild Kolden, bokhandlar. Begge er frå Lom.

Forfattarar: Vigdis Kroken og Ragnhild Kolden
Tittel: Evig skal døden vera
Forlag: Samlaget
År: 2011
219 sider

Fleire tips:

Kriminelle tips frå Bokklubben

Kriminelle tips frå Krimklubben

Verdas poesidag

2011-03-21T02:10:00.000-07:00

Verdas poesidag vart lansert av UNESCO i 1999 og har sidan blitt feira 21. mars kvart år. Formålet med dagen er å promotere lesing, skriving, publisering og undervisning i poesi over heile verda.

I Skjåk har vi fleire lokale forfattarar som har skrive mykje fin poesi. Aslaug Høydal, Jan-Magnus Bruheim, Tore Ørjasæter og Olav Øygard er nokre av dei. Vi kjem til å skrive meir om dei seinare.

Noko som er karakteristisk for lyrikaren Tore Ørjasæter er at han ofte grip til konkrete bilete frå naturen for å uttrykkje menneskelege behov eller tilstandar. Han gjer det for å illustrere, for å få fram det poetiske mangtydige. I boka Elvesong er dropen hovudpersonen, den enkle og klare symbolikken held fast gjennom boka. Dropen blir drive fram av lengsel etter sol og ein dragnad etter å fara. Ein vassdrope på veg mot havet vert eit bilete på eit menneske i leitande, religiøs uro, eller eit bilete av menneska på veg gjennom livet. Opningsdiktet i boka er Dropen.

Dropen

Telen græt dogg i soli god

og leskar spira med linne.
Med det er doggdropen sjølv forløyst
til fridomen han vil vinne.

Dropen vart drope, eit liv forløyst

av telen som heldt`n fanga.
Og spira han frelste på fridoms veg
skal eingong i blom få anga.

Hans heilage liv var den linne lengt

mot sol gjennom kulde-eimen,
som anda or naudi innestengt
av dauden i duldeheimen.

Ja dropen kjenner lagnaden linn

med viljesviv kløkke og vâre.
Han føddest til livet og lagnaden sin,
som var at han måtte fare.

Han finn seg att i ei strøymen å

med tusund andre i fylgje,
som vil det same i samnads trå
og veks til ei vårfrisk bylgje.
Tore Ørjasæter

Dermed er dropen i gang, han har funne fram til møte med andre som har den same lengsel og dragnad i seg. Han blir til ein stor straum, ein bekk og seinere ei elv, som brusar fram mot det endelege målet som lokkar dropen – fellesskapet i sjølve storhavet utanfor, det som eigentleg er opphavskjelda og kvilestaden for dropen. Dropen møtar hindringer på ferda si, den blir m.a innestengt i ei myr. Vasstraumen der dropen er med, rører seg framover gjennom ulike årstider og skiftande landskap. Forteljinga blir full av liv og variasjon – sommar, haust, vinter, vårflaum. Det er glimt av livet langs med elva, spennande tømmerfløyting, husbygging, fisking og fiskeliv. Eit slik glimt er Øybergshølen på side 56. Anbefalast!

TV-spel i biblioteket

2011-03-14T07:00:00.000-07:00

Bowling i biblioteket

Spel er kultur

No kan du spele TV-spel i biblioteket. Vi har i fyrste omgang kjøpt inn ein Nintendo Wii med Super Mario Galaxy 2, Harry Potter, Wii Sports og Wii Sports resort. Det er òg akuelt å kjøpe inn andre typar konsollar.

Med St. meld. nr 14 (2007-2008) "Dataspill" fekk dette mediet si eiga stortingsmelding kor det vart slått fast at dataspel er kultur, og skal behandlast på lik linje med andre kulturuttrykk, som f. eks litteratur, film og musikk.

Biblioteka er både ein møtestad og ein kunnskapsplass – det flotte er at dei framleis er det for alle. Dei som leser skjønnlitterære bøker, dei som helst vil lese leksikon, dei som leser lydbøker, dei som leser filmar og dei som leser på skjermen.

Pil og boge

Fulltreffer?

Bilblioteka har alltid vore flinke til å omstille seg, og til å omfavne nye medier. Tenk berre på internett, og motstanden mot dette i byringa. I dag er det utenkeleg med eit bibliotek utan internettilgang.

Kvifor spel i biblioteket?

I Oppland fylkesbibliotek si "STARTPAKKE: Spill i bibliotek" står det:

- Spill er en sosial aktivitet, og kan bidra til å utvikle biblioteket som sosial møteplass
- Spill er et kulturprodukt som reflekterer den kulturen den er en del av, og kan påvirke den og samfunnet rundt
- Spill i bibliotek kan virke samlende gjennom norsk språk og innhold i spillene
-Biblioteket formidler og lager arrangementer rundt andre kulturprodukter, og spillsatsninger som spilldager og spillturneringer bør derfor være en like naturlig del av bibliotekets hverdag som bokkvelder.
- Spill kan brukes i språkopplæring og språkstimulering
- Spill kan virke samlende i utviklingen av den flerkulturelle møteplassen
- Spill er en viktig og anerkjent del av barn og unges mediehverdag
- Spill er lesing – man må lese når man spiller, både teksten i spillet, grafikken og spillsystemet for å mestre spillet
- Ifølge stortingsmeldingen skal alle som jobber med barn og unge ha kunnskap om barn og unges mediebruk
- Ved å tilby dataspill som en del av bibliotekets tilbud kan man vise en stor gruppe av bibliotekets ikke-brukere at bibliotekene kan være relevante i forhold til deres hverdag og interesser. Dermed kan man trekke en ny brukergruppe til biblioteket og få dem til å komme tilbake

ABM-utvikling om dataspel i biblioteket: Fra gutterommene til bibliotekene

Tore Ørjasæter

2011-03-07T02:37:00.000-08:00

8. mars er det 125 år sidan Tore Ørjasæter var fødd

Godt sagt i boka "Anne på Torp" side 131:

Ein skal ikkje lyfte seg over kvardagen
men ein skal lyfte kvardagen om ein kan
Tore Ørjasæter

Tore Ørjasæter er ein av dei store gudbrandsdalsdiktarane. Han er fyrst og fremst hugsa som lyrikar, og han var ein av dei fyrste bondediktarane som levde av skrivinga.

Ørjasæter vart fødd i Skjåk, der han voks opp på garden Slette i fjellgrenda Bråtå. Far hans var frå Geiranger og var både lærar og gardbrukar. Familien stod difor i ei særstilling på fleire måtar, med fotfeste i fleire sosiale lag og i både austlands- og vestlandskulturen. Denne spenninga viser att i mykje av diktinga til Ørjasæter.

Han såg føre seg ei framtid i jordbruket og tok ivrig del i arbeidet på garden. Men som ung fekk han magesår og laut opererast på Rikshospitalet, og sjukdomen sleppte ikkje taket før mange år seinare. Med redusert helse skjøna han at han ikkje hadde noka framtid som gardbrukar, og draumen om å verta forfattar vakna i han. Seinare sa han at om han hadde hatt helse til å arbeida på garden, hadde han ikkje kome til å skriva ei einaste line.

Les den utfyllande artikkelen i Store norske leksikon skrive av Eirik Helleve.

Arrangement: tysdag 8. mars kl 19.30 i Bjørkås: "125 år sia han var fødd"

- Lene Teigen fortel om skodespela hans
- Diktopplesing
- Song
- Andre innslag
Traktering
Gratis inngang

Kunstutstilling

2011-02-25T00:43:00.000-08:00

Velkomen til kunstutstilling på biblioteket av:

8. klasse frå Skjåk ungdomsskule

"Mennneske i kunsten". I år har dei kopiert portrett av Matisse, Picassso, da Vinci, Krog, Cezanne, Gaugin, Munch og Nerdrum.

Her ser du nokre av dei flotte portretta:

Skjåk kulturskule/formgjevingsgruppa

med glasmåleri

Her kan du sjå fleire portrett og glasmåleri:

From Filmer

Forbyttet

2011-02-24T01:46:00.000-08:00

av Håvard Rem

Ei sterk historie

Vi er i ein by i Trøndelag få år etter krigen. To norske kvinner forlèt fødestua saman i taxi. Dei sit med kvart sitt gutebarn i fanget. Ein av gutane skal snart døypast Bjørn. Nesten seksti år seinare, i 2006, får Bjørn vite at det skjedde ein feil på sjukehuset. Barna var blitt forbytt.

Allereie som liten gut sansa Bjørn Harald Larsen at det var noko som ikkje stemde. Han var ikkje lik sysken eller foreldre i utseendet. I tillegg stemde ikkje kjemien med resten av familien.

"Alle" – foreldre, slekt, vener og naboar – visste at eg hadde blitt forbytta. Berre ikkje eg og min næraste familie. Det er helt utruleg at nokon ikkje har forsnakka seg eller avslørt sannheiten i festleg lag, seier han.

Sjå og høyr Bjørn Harald som fortel si historie her:

Utgjeven: 2010

Forlag: Schibsted

Sider: 190

ISBN: 978-82-516-3577-6

Informasjon om utdanning for vaksne

2011-02-15T06:06:00.000-08:00

Torsdag 17/2 på Skjåk folkebibliotek 16.30 - 19.00

OPUS besøker biblioteka i Norddalen.

Karrieresenteret OPUS Nord-Gudbrandsdal tilbyr utdanning for vaksne. Dette er både på vidaregåande nivå, og tilbod på fag – og høgskulenivå. Dei som ønskjer rettleiing eller vil orientere seg om tilboda, vil ha stort utbytte av å komme til biblioteket denne kvelden.

Målet med besøket er å synleggjere rettleiingstenesta og opplæringstilbodet for vaksne i vår region. Det vert orientert om tilbod som finst både lokalt og andre stader samt finne tid og lage avtaler for vidare rettleiing for dei som treng det.

Velkomen til ein hyggeleg prat om karriere og utdanningsval!

Geirr Lystrup

2011-02-14T00:20:00.000-08:00

Kaffe- og kringlekonsert

Det var songlaget i Skjåk som stilte med kringler, vi ordna med kaffe m.m. - og når Geirr Lystrup på sin bibliotekturne stoppa i Skjåk, ja - så hadde vi ein triveleg Kaffe- og kringlekonsert.

Vi var omlag 55 personar som åt kringle, drakk kaffe og høyrde Geirr Lystrup fortelje gode historier og syngje fine songar frå Viseboka mi og Salmeboka mi.

Geirr lokka fram både songgleda og smilet hjå publikum. Sjå og høyr ein liten smakebit frå konserten her:

Magnhild Bruheim på utlånstoppen 2010 i Skjåk

2011-01-27T01:33:00.000-08:00

Magnhild Bruheim er populær hjå vaksne, barn og ungdom

10 på topp for vaksne

.
1. Magnhild Bruheim Det som ein gong var
2. Laila Lanes Skynd deg å elske

3. Cecilia Samartin Salvadoreña
4. Magnhild Bruheim Nattskrik
5. Linda Olsson La meg synge deg stille sanger
6. Cecilia Samartin Señor Peregrino
7. Jo Nesbø Panserhjerte
8. Roy Jacobsen Vidunderbarn
9. Herbjørg Wassmo Hundre år
10.Victoria Hislop Øya

10 på topp for barn og ungdom

1. Magnhild Bruheim På flukt
2. Jørn Jensen Den store zombien
3. Maria Parr Tonje Glimmerdal
4. Jørn Jensen På flukt
5. Jørn Jensen Den gale professoren
6. Øistein Kristiansen Livets kruseduller;: en tegne- og kreativitetsbok for hele familien
7. Jørn Jensen Kasper på innebanen
8. Benni Bødkter Kampens vei
9. Stephenie Meyer Evighetens kyss
10. Jørn Jensen De forvunne barna

Les eit tidlegare innlegg om Magnhild Bruheim.

Årsmelding 2010 for Skjåk folkebibliotek

2011-01-24T04:20:00.000-08:00

Klassebesøk på biblioteket

Utdrag:

Skjåk folkebibliotek blir drive etter Lov om folkebibliotek av 20. desember 1985 med endring i juni 2003. Biblioteksjefen er den faglege og administrative leiar for folkebibliotekverksemda i kommunen.

Tilsette

1.75 årsverk er delt på biblioteksjefen og 1 bibliotekassistent. Ekstrahjelp blir brukt for å dekkje laurdagsvakter, ved sjukdom, ferie og møter.

Rekneskap/Budsjett

Rekneskapen litt under oppsett budsjett.

Utlån
Utlånet auka med 6,95%. Utlånet av bøker og lydbøker for barn og ungdom auka med 19,83% og 6.52%. Utlånet av bøker og lydbøker for vaksne auka med 6,83% og 7,36%. Utlånet av filmar gjekk ned med 11,75%.

I 2009 vart biblioteket nr. 2 på utlånsstatistikken i Oppland med 7.17 lån pr. innb. Også i år har utlånet av media auka, til 7.81 pr. innb.

792 lånarar var registrert med lån i 2010. 65,53% var kvinner.

Les heile årsmeldinga her.

Geirr Lystrup

2011-01-20T23:57:00.000-08:00

Hausten 2010 kom Geirr Lystrup med Salmeboka mi. Det er tredje bind i Geirr sin vise-trilogi. Tidlegare har han gjeve ut Viseboka mi og Barnesangboka mi, begge kjøpt inn av Kulturrådet. No er trilogien komplett, og med det reiser Geirr i februar på turne i samarbeid med bibliotek i Noreg.

Kom og høyr Geirr Lystrup syngje utvalde songar frå Viseboka mi og Salmeboka mi.

Geirr Lystrup (f 1949) er født og hadde oppveksten sin i Vinje i Telemark og har vore aktiv som visesongar sidan han tok artium. Han har gjeve ut ei rekkje bøker og plater, og han er ein av våre mest allsidige trubadurar. Heile fem gongar har han fått Spellemannprisen. Sist for barneplata ”Sangen om Yebo” som er svært populær i barnehagar og skular over heile Noreg.

Les meir på heimesida til Geirr Lystrup.

Datakurs i regi av biblioteket

2010-12-21T07:47:00.000-08:00

Vi på biblioteket brukar kvar haust å arrangere datakurs for seniorar.

Kurset er for deg som er nybegynnar, eller relativt nybegynnar på data. Vi går gjennom dei viktigaste funksjonane på datamaskina og programma, som f. eks det å skrive, lagre, kopiere, leggje inn bilete i tekst, skrive ut, e-post, nettbank, slektsforsking og internett. Vi har òg oppretta facebook profilar.

Deltakarane får eigne skreddarsydde kurshefte. Vi brukar studiesenteret som klasserom.

Reidun, Håkon, Torbjørg, Sverre, Hans og Rannveig

I år hadde vi ei noko spesiell avslutning da ein av kursdeltakarane, Hans Hågå, underheldt med lirekassa si. Det svinga skikkeleg, og musikken til Hans lokka fram både smilet og dansefoten på oss andre!
Og kvein veit? Kanskje var lirekassa ein forløpar til datamaskina?

Håkon, Torbjørg og Hans

Lagt inn av: Sigrun Eide

Skjåk nr 2 på utlånsstatistikken i Oppland

2010-12-10T05:48:00.000-08:00

Auka utlån

Frå eit klassebesøk tidlegare i år

Vi gler oss over at det snart er jul og vi gler oss over at Skjåk folkebibliotek ligg som nummer to (av 26 bibliotek) på utlånssstatistikken i Oppland. Den offisielle statistikken for 2009 vart offentleggjort i slutten av november i år. Førebels tal syner at utlånet også vil auke i år. Vi ynskjer gamle og nye lånarar velkomen innom biblioteket på kaffe og pepparkaker no i desember.

Elles kan vi freiste med godteriutstillinga Dulcis, ein heil by av godteri. Byen er laga av elevar frå Formgjevingsgruppa ved Skjåk kulturskule. Utstillinga er trygt plassert i eit skåp med glasdører.

Her ser du ein liten "smakebit" J

Siste opningsdag før jul er torsdag 23. desember kl 10 -14.

Velkomen innom!

Lagt inn av: Sigrun Eide

Inge Eidsvåg

2010-12-08T03:01:00.000-08:00

Mange kjøpte signert bok

Det vart ein triveleg og innhaldsrik kveld på biblioteket da Inge Eidsvåg både kåserte for oss og prata om den nyaste boka si, "Minnene ser oss". Stikkord for kvelden: god atmosfære, stor innleving og eit stort engasjement med humor og varme, samt gløgg, pepperkaker, bollar, stev og levande ljos.

Det var Mari Eide Lindsheim som starta det heile med to fine stev, før Inge Eidsvåg tok over med kåseriet om:

Bjørnstjerne Bjørnson og Christopher Bruun

Bjørnson kjøpte garden Aulestad og flytte dit i 1874. Det var ikkje minst Christopher Bruuns folkehøgskule Vonheim i Gausdal som låg bakom valet av dette gardskjøpet. Frå 1875 og utover var Bjørnson ofte på Vonheim, der han heldt foredrag over ulike emne.
Knapt nokon utanfor folkehøgskulens eigne folk har stått folkehøgskulen så nær som Bjørnstjerne Bjørnson. Bjørnsons plass i folkehøgskulen som talar og diktar var viktig særleg i 1860- og 1870-åra, og ikkje minst gjennom bondeforteljingane vart det skapt eit ideologisk fellesskap til folkehøgskulen med vekt på bondens rolle i nasjonsbygginga. Bjørnson forstod folkehøgskulens rolle som danningsskule der eit optimistisk menneskesyn låg til grunn.

Deretter fekk vi høyre om den nyaste boka:

Minnene ser oss

Den nye boka av Inge Eidsvåg heiter ”Minnene ser oss”. Boka har ein raud tråd om kva minner er, korleis dei kan forståast, og kva dei kan brukast til. Les ei bokomtale her. Vi har boka på biblioteket.

Inge Eidsvåg
Ein likandes kar

Inge Eidsvåg avslutta kvelden med 5 gode råd for den "skrøpelege" skiløpar. Desse finn vi i boka "Tanker ved treklaveret". Eidsvåg beskriv seg altså sjølv som ein skrøpeleg skiløpar - med skiglede. Dette er artig lesning og kan trygt anbefalast. Mange kjende seg nok att i fleire av dei komiske "ski-situasjonane".

Vi ynskjer Inge Eidsvåg hjerteleg velkomen attende ved ei seinare anledning.

Les meir om Inge Eidsvåg her.

Lagt inn av: Sigrun Eide

"Julegavetoget" med Marianne Kostøl

2010-11-25T01:44:00.000-08:00

Julestemning på biblioteket med ”Julegavetoget”

Ei framsyning fritt etter den populære forteljinga om ”The Little Engine That Could”, som vart skrive for 100 år sidan.

Klikk på bilete

Vi fekk ei spennande musikalsk togreise med Marianne Kostøl på det som "liksom" var lillejuleftan. Det glade lille toget skulle over til den andre sida av fjellet med gåver, deilig mat og julegodt til alle gutar og jenter. Men - plutseleg stoppa toget med eit rykk. Hjula ville ikkje gå rundt. Kven ville komme og redde det lille toget? Eit blankt og nytt lokomotiv, eit stort og sterkt lokomotiv og eit gammalt lokomotiv full av rust kunne ikkje hjelpe, dei køyrde vidare. Men - så kom heldigvis eit lite, blått lokomotiv tøffande. Sjølv om det var lite og aldri hadde vore over fjellet før, ville det hjelpe til. Og med god drahjelp frå Marianne og publikum ordna det seg tilslutt. Toget kom seg over fjellet og alle barna fekk gåver, mat og julegodt til jul. Puh!

Marianne Kostøl frå Gjøvik er ein solid veteran frå viseverda, ho har ein eigen forkjærleik for dei gamle norske songane, og er flink til å trekkje med seg publikum i song og småprat. Mange hadde teke turen til biblioteket denne dagen. Det var ungar frå barnehagane, besteforeldre, foreldre og mange fleir. Vi rekna omlag 70 personar.

Lagt inn av: Sigrun Eide

Bautaen Bjørnson - stridsmann, fredsvenn, diktarhøvding

2010-11-20T01:21:00.000-08:00

.
Vi har utstillinga på biblioteket

Her ser du ein
av plakatane

Synnøve Solbakken – ei Bollywood-stjerne? Hadde vi alle prata nynorsk utan Bjørnson? Hadde Bjørnson skrive norsk utanrikspolitikk? Bjørnstjerne Bjørnson – forfattar, bråkmakar, politikar – meinte mykje om det meste. Han var innpåsliten og uthaldande i sitt samfunnsengasjement. Har vi noko å lære av han? Er verkene hans verdt å ta fram att?

I utstillinga vil du møte ein Bjørnson som overraskar: med Noregs fyrste sjølvmordsbombedrama, med kvinneskikkelser som fylgjer sitt kall – fleire år før Ibsens Nora – og med kjærleiksdikt om ungdom som grip oss den dag i dag.

Utstillinga består av plakaktar av Bjørnson i ulike roller, bøker og ei nettutstilling. Vi blir kjend med personen Bjørnson og forfattarskapen hans. Det er Nasjonalbiblioteket som har produsert utstillinga.

- Sjå utstillinga på nett: Bautaen Bjørnson
- Følg Bjørnson 2010 på: Bjørnstjerne.no

Velkomen!

Lagt inn av: Sigrun Eide

Harry Hole-pris til ei "ålreit" dame

2010-11-19T08:29:00.000-08:00

Marit Hallen
Ei ålreit dame

Harry Hole-stiftelsen har utnevnt bibliotekaren Marit Hallen til årets "Ålreite dame" - ein velfortent pris!

Det er skaparen av Hole-skikkelsen, forfattaren Jo Nesbø, som etablerte stiftelsen som i år vart delt ut for andre gong. I fjor gjekk Harry Hole-prisen til fengselspresten ved Ila Landsfengsel, Odd-Cato Kristiansen. Marit Hallen var ein av pionerane som starta med leksehjelp til innvandrarjenter. Ho har i mange år jobba med litteraturformidling overfor unge jenter frå Pakistan og India med utgangspunkt i Deichmanske bibliotek og filialen på Torshov i Oslo.

Harry Hole-stiftelsen vart etablert i juni 2008 ved at Jo Nesbø overførte alle rettigheiter og tilhøyrande inntekter frå boka Hodejegerne til stiftelsen. Stiftelsens formål er gjennom ein årleg pris å gje barn grunnleggjande lese- og skriveferdigheiter, spesielt i utviklingsland.

Prisen har fått tittelen "En ålreit fyr/Ei ålreit dame-prisen". Den som vinner vil overrekkje den årlege pengegava til ein verdig mottakar.

Saman med styret i Harry Hole-stiftelsen har Marit Hallen vore med på å bestemme mottakar av prisen som i år er på ein halv million kroner. Pengane går i år til UNICEF Norge for deira langsiktige innsats for utdanning i Pakistan. I distrikta der UNICEF jobbar har det vore ei økning i antall elevar som går på offentleg skule på 19 prosent.

Torsdag 18. november var ho på Otta der tilsette i barnehage, skule og bibliotek, frå Lillehammer i sør til Lesjaskog i nord, fekk høyre ho prate ENTUSIASTISK om ungdomsbøker. Det er ingen tvil - denne dama er ei "ålreit" dame. Den årlege presentasjonen av barne- og ungdomsbøker er arrangert av IBBY Norge - Barnebokforum og biblioteka i Nord-Gudbrandsdalen.

Les meir om Marit Hallen her.

Jo Nesbø
Ein ålreit fyr

Det er vel berre å slå fast at Jo Nesbø er ein ålreit fyr.

Les meir om Jo Nesbø og prisen her.

Lagt inn av: Sigrun Eide

Inge Eidsvåg

2010-11-11T01:46:00.000-08:00

Kåseri og bokprat 7. des kl 19

Klovnen Knut

2010-11-09T07:32:00.000-08:00

Storsjarmør i klovnedrakt

Laurdag 6. november hadde vi fint klovnebesøk på biblioteket.

Klovnen Knut beskriv seg sjølv som tullekunstnar og gjøglar. Det er ei beskriving som passar bra!

For denne laurdagen serverte han ei fargerik framsyning samansmelta av stand-up og fysiske innslag. Han har ei eiga evne til å underhalde barn og vaksne samtidig. Framsyninga er nok fyrst og fremst for barn, men han fletta òg inn litt "eldreomsorg" - til dei vaksne si store glede . Det vart mykje skratting av klovnen som trylla og tøysa med farger, musikalske unotar, forteljingar, sjonglering og bergensk buktaling - rett frå levra.

Vi håpar på eit snarleg gjensyn med Klovnen Knut.

Lagt inn av: Sigrun Eide

Stor bamsefeiring på biblioteket

2010-10-28T06:25:00.000-07:00

Torstein og Eddie

Karusellgruppa

3-5 års gruppa

Aldri har det vore så mykje folk på biblioteket i ein gong. Om lag 60 ungar var tilstades, mange hadde med seg fleire vaksne. Eit raskt reknestykke seier da at vi var bortimot 130 personar her. Anledninga var storstilt feiring av den internasjonale bamsedagen. Denne feiringa har vorte ein fin tradisjon. Alle ungane skreiv seg inn i bamseboka og var med i trekninga av to fine bamsar. 3-5 års gruppa og karusellgruppa ved Skjåk kulturskule bidrog med kjempefin song. Vi hadde òg besøk av politimann Torstein Frøise og sjølvaste politibamsen Eddie. Torstein skreiv namn på, og delte ut bamsediplomar og refleksar, mens Eddie passa nøye på at alt gjekk riktig føre seg. Vi fortalde eventyret om kvifor bamsen er stuttrompa, og fekk mange fine/sjarmerande kommentarar frå publikum undervegs. Vi har hengt opp alle dei fine teikningane vi fekk. Kom og sjå!

Serveringa besto i bamsemums og bamsesaft.

Elles skulle vi helse så mykje frå bibliotekbamsen som i år heiter Sigfrid. Vi skulle takke alle barn, bamsar og vaksne som deltok i feiringa med ein stor bamseklem. Brum brum.

Ein sliten Eddie...

Lagt inn av: Sigrun Eide

Stemningsfull boklansering på Grimstadøygard

2010-10-14T05:04:00.000-07:00

Frå venstre: Finn Sandum, Torø Ellen Marstein og Hans Agneberg

Dikt som gjer deg glad

I år er det 50 år sidan Olav Øygard døydde. Skjåk kommune hadde eit ynskje om å markere dette ved å gje ut eit breitt utval av dikta hans. Dette har resultert i diktsamlinga ”Vårsong”.

Skriftnemnda har vore Torø Ellen Marstein, Finn Sandum og Hans Agneberg.

Boka vart lansert i den stemningsfulle ”Gammelstuggu” på Grimstadøygard i Nordberg tysdag kveld. Torø Ellen fortalde litt om garden og oppveksten til Olav Øygard. Finn Sandum og Hans Agneberg prata om arbeidsprosessen for utgjevinga, dei las fleire dikt og dei prata litt om dikta.

Olav Øygard var ein mann med mange interesser. Han sat i mange styre og stell i bygda. Han var med i mellom anna heradstyre, skulestyre, bankstyre, historielag og styret for Skjåk Almenning. Han var ordførar i to periodar og var kjend som ein radikal venstremann og målmann.

Mange av dikta handlar om våren, naturen og kjærleik. Det som kjenneteiknar dikta er den gode rytma, dei er lette å lese, og det er dikt som gjer deg glad.

Boka er lagt ut for sal på Coop Marked Bruvoll, Håndarbeidsstugu, Coop Marked Skjåk og Bokhandelen i Lom. Vi har også boka på biblioteket. Sjå om boka er inne her.

Her kan du lese eit av dikta:

VÅRSONG

Det stig med tusen tonar

frå grøne lid og lund.

Det skin frå millionar

av blom i denne stund.
-

Det syng frå sæle tunge

mot vår eit hyllingskvad,

og gamle liksom unge

dei vert i songen glad.
-

Der stend dei unge blomar

i nytt og festlegt skrud

og voggar sælt mot sumar

som i ein takk til Gud.

Du vår med ljose voner,

med unge glade sinn,

å kveik dei sæle tonar

i sjuke barmen min.
-

Å lær meg rett å jubla

med vårens liv i lag

og ikkje gå og grubla

med gruv for haustardag.

Olav Øygard

Lagt inn av: Sigrun Eide

SeniorSurf

2010-10-01T06:14:00.000-07:00

Ivrige surfarar i Skjåk

Vi var innom mange viktige tema på seniorsurfdagen. Vi "besøkte" fleire nettsider som Fjuken, Skjåk kommune, Skjåk folkebibliotek, Finn.no, Matoppskrifter, Vermelding og mange fleir. Vi blei einige om at vi stoppar ikkje med denne dagen - vi fortset nemleg med fleire kursdagar utover hausten.

Lagt inn av: Sigrun Eide

SeniorSurf-dagen 2010

2010-09-20T03:29:00.000-07:00

30. september kl 10 - 13

Rettleiing for nybyrjarar i bruk av PC og Internet på studiesenteret (Skjåk kommune)

Påmelding til: Skjåk folkebibliotek tlf 61 21 43 00

eller Skjåk friviljugsentral tlf 61 21 45 57

Arr: Skjåk folkebibliotek, Skjåk friviljugsentral og Skjåk studiesenter

Lagt inn av: Sigrun Eide

Les i Fjuken om Magnhild Bruheim

2010-09-19T05:13:00.000-07:00

.
Fullt bibliotek for Magnhild

Over 70 personar var på plass da Magnhild lanserte den nye boka si Det som ein gong var. Les meir i Fjuken:

Fjuken - lokalavisa for Ottadalen - Fullt bibliotek for Magnhild

Vi har boka her på biblioteket. Sjekk om ho er inne her.

Magnhild Bruheim

Vox Morsem underheldt med fin song.

Lagt inn av: Sigrun Eide

Landskap og filosofi

2010-09-17T03:22:00.000-07:00

Det filosofiske hjørnet

Skjåkprosjektet arrangerte eit seminar på Sota i august. Tema var Landskap og Filosofi.

Det var fleire interessante foredrag, og med den vakre naturen i bakgrunnen var seminaret svært vellykka. På biblioteket har vi sett fram ein del bøker med tema natur og filosofi.

Du kan lese meir om seminaret på Sota på:

Skjåk kommune si heimeside.

Til inspirasjon - ei lita perle av ei bok:

Ut i naturen - Inn i naturen av Eldbjørg Nyborg.

Ho har laga ei vakker bok som inneheld 24 av hennar digitale akvarellar, godt følgd av eigne tekster og sitat frå verdslitteraturen. Her har du ei skikkeleg kose- og tenkjebok, anten du vil sjå, lese eller begge delar. Den er perfekt når du treng påfyll i godstolen, eller ein fylgjesvenn på reisa. Boka inspirerer rett og slett til opphald i naturen. Sjå dei digitale akvarallane i dette nettgalleriet. Vi har boka her på biblioteket. God fornøyelse!

Ta ein kikk her også! Ein smakebit frå boka:

Lagt inn av: Sigrun Eide

Jack Dalton

2010-09-09T03:55:00.000-07:00

"Never mute noise, just turn down sleep"

Trondheimsbandet Jack Dalton har eit bandmedlem frå Skjåk, Tom A. Hånsnar.

Som kjend er jo trønder og døl ei fin blanding :)

Cd-en fekk terningkast 5 i Dagbladet. Vi har den nye cd-en deira, og

den kan trygt anbefalast!

Sjekk om cd-en er inne her.

Jack Dalton: Jimmy (Vokal og gitar), Ørjan (gitar), Bjarne (trommer) og Tom A.(bass)

Jack Dalton på Youtube:

Lagt inn av: Sigrun Eide

Magnhild Bruheim - boklansering

2010-08-30T05:56:00.000-07:00

Forfattarbesøk på biblioteket

Torsdag 16. september kl 19 kjem Magnhild Bruheim til Skjåk folkebibliotek for å fortelje om den nye boka si, Det som ein gong var.

Det som ein gong var er ei gripande oppvekstskildring som gir eit godt innblikk i ei ung jentes oppvekst på 60-talet, med mange tidsriktige detaljar som filmstjerner, songarar, bilmerke, slagerbøker, papirdokker, mote og musikk. Boka er ifølgje Bruheim sjølv den mest personlege ho har skrive.

Gratis inngang
Servering
Song ved Vox Morsem
Boksignering

Arrangementet er eit samarbeid mellom Skjåk folkebibliotek, Skjåk historielag og Samlaget.

Omtale frå forlaget:

Live klargjer barndomsheimen for sal. Ho tek oss med tilbake til ulike episodar som var med på å forme dagane, dei lette og gode minna, men også det som gjorde livet utrygt.

Den unge Live er skarp, livleg og morosam. Og vi får eit godt innblikk i ei ung jentes oppvekst på 60-talet med mange tidsriktige detaljar; filmstjerner, songarar, bilmerke, slagerbøker, papirdokker, mote og musikk. Heile tida ligg det eit mørke under som varslar om kva som skal komme.

Les meir om Magnhild Bruheim på Forfatternett Oppland.

Lagt inn av: Sigrun

Hypnotisøren

2010-07-26T10:35:00.000-07:00

.
av Lars Kepler

Utruleg spennande

15 år gamle Josef ligg på sjukehuset hardt skada og hardt traumatisert. Familien hans er utsletta etter eit usedvanleg rått massedrap. Har han sett mordarens ansikt? Kan hypnose få han til å hugse den grufulle hendinga?

Det er ein reinhaldar som finn Josef sin far, knivstukken og delvis partert i skulen sitt idrettsanlegg. Politiet dreg heim til Josef sin familie, og møtar her eit nytt blodbad. Familien er slakta, den lille dottera og mora er partert, men Josef på 15 år overlever så vidt. Det visar seg at det er eit familiemedlem til, og ho har unnsluppe tragedia, nemleg dottera Evelyn på 23 år. Men kor er ho? Ho er som sunke i jorda, og politiet fryktar for livet hennar.

Psykologen Erik Maria Bark har lagt hypnosa på hylla for mange år sidan, men gjer denne gongen eit unntak for å redde liv etter det grufulle massedrapet. Det skal vise seg å bli farleg både for ham sjølv og hans nærmaste. Det han får høyre av hypnotiserte Josef er mildt sagt overraskande og sender etterforskninga i ei heilt ny retning. Saman med politietterforskaren Joona Linna fylgjer vi oppklaringa av eit tosifra antall drap. Ikkje minst kjem Bark sin eigen familie og fortid som hypnosebehandlar til å stå sentralt. Både forholdet til kona og familiens sikkerheit blir satt på spel.

Det heile heng meget godt saman, er uforutsigbart og så spennande at det er vanskeleg å leggje frå seg boka når man først har starta, boka er litt "Stieg Larssonaktig". Utruleg spennande!

Hypnotisøren er første bok i ein serie. Joona Linna kommer til å ha ei enda større rolle i bok nummer to, som snart er klar. Det er planlagt fleire bøker i serien.

Bak pseudonymet Lars Kepler skjular ekteparet Alexandra Coelho Ahndoril og Alexander Ahndoril seg.

Coveret på boka er varmesensitivt og har skjulte meldingar. Berre sjå her:

Les intervju med forfattarane her :)

Lagt inn av: Sigrun

Skjåk på Maihaugen

2010-07-06T01:42:00.000-07:00

Sankthans på Maihaugen 2010 var i år i samarbeid med Skjåk kommune. Det var mange aktørar og aktivitetar både på hovudscena og inne i og ved husa. Det vart selt ca 4500 billettar, vêret var strålande og Skjåk kommune fekk velfortjent skryt for arrangementet. Her kan du sjå nokre bilete frå Maihaugen denne dagen:

Lagt inn av: Sigrun

Jeffery Deaver skriv ny bok om Bond

2010-06-24T10:11:00.000-07:00

"Ian Flemming skapte den litterære Bond, Sean Connery udødeliggjorde ham på film. Nå skal den amerikanske thriller-forfatteren Jeffery Deaver gjennopplive agent 007 i bokform med romanen «Project X». "

Les meir i adressa.no.

Jeffery Deaver

2010-06-24T09:45:00.000-07:00

.
Kald måne

Skrekk og gru..

To personar blir funne brutalt myrda ei bitande kald desembernatt i New York. Mordaren likar å seigpine ofra sine, og han har ein signatur: nemleg ei klokke ved kvart offer som ser ut til å ha rekna nøyaktig tida det tek for dei å døy. Det kan sjå ut som mordaren har tvunge det eine offeret sitt til å hengje etter armane frå bryggjekanten mens han kappa over handledda på han. Ved blodpølen tikkar klokka. Offeret har lidd ein lang og smertefull død. Det blir etter kvart fleire åstader, alle med ei illevarslande klokke. Mordaren får namnet Klokkemakaren, han drep med sylskarp presisjon og etterforskar Lincoln Ryhme har berre timar på seg til å stoppe han. Da etterforskinga ledar til urmakaren som har selt klokkene til mordaren, blir det slått full alarm. Mordaren har kjøpt ti klokker..

Boka er vanskeleg å leggje frå seg, og den som klarar å sjå løysinga på denne gåta før slutten er god!

Dette er den sjuande romanen der etterforskaren Lincoln Rhyme er med. Jeffery Deaver er både journalist, jurist og visesongar, men det er som thrillerforfattar han er kjend verda over. Han har i alt skrive atten romanar. God bok!

Jeffery Deaver sin nettstad.

Sjekk om boka er inne her :)

Lagt inn av: Sigrun

SOMMAR+BOK

2010-06-14T04:49:00.000-07:00

Klikk på bilete for større tekst.

Lagt inn av: Sigrun

Skal seie det var sirkus på biblioteket her om dagen..

2010-06-08T08:37:00.000-07:00

..da karusellgruppa ved Skjåk kulturskule synte fram ein smakebit frå sjølve framsyninga som er no fredag, nemleg Sirkus Skiaker. Med fine kostyme, dramatisering og song, fekk publikum eit sirkus litt utanom det vanlege - men som var minst like bra. Salet av popkorn gjekk så det susa til kun kr 1,- pr kopp!

Møt opp i Skjåkhallen fredag 11. juni kl 18.00, og få med deg heile sirkuset med mellom anna klovnar, linedansarar, akrobatikk og musikk.

Lagt inn av: Sigrun

Endeleg sommar..

2010-06-02T04:41:00.001-07:00

Drøymer du òg om ein vakker hage?

..om sommar, blomster, jordbær, syrin, rips, uteliv, bier, grilling, bøker..

Ta deg ein tur til biblioteket, vi har mange bøker til inspirasjon!

Er er du av det nevenyttige slaget? Eller veit du om "nokon" som er det? Til inspirasjon:

Lagt inn av: Sigrun

Ståk i Skjåk

2010-05-28T02:56:00.000-07:00

Ståk i Skjåk på biblioteket laurdag 29. mai. Boksal og utstillingar! Kom å sjå på Knappeutstillinga som er utstilt på biblioteket denne dagen. Knappane er samla av Ivar Øygard.

Kunst på biblioteket

2010-05-14T00:56:00.000-07:00

Måleriutstilling

I forrige veke var det opning av den årlege måleriutstillinga her på biblioteket. Dei unge kunstnarane er elevar ved Skjåk kulturskule. Utstillinga har vorte ein tradisjon med høgtidleg opning av ordføraren. Det vart servert både snittar og champagne (.....brus).

Ta deg ein tur innom da vel!

Lagt inn av: Sigrun

Abrakadabra Teateret

2010-04-29T00:38:00.000-07:00

...
BOKstavelig talt
BOKstavelig talt

Onsdag trilla vi bokreolane til sides og gjorde klart for teater.

Vel 80 personar var møtt fram for å få med seg framsyninga BOKstavelig talt. Abrakadabra Teatret med Trond og Annemor Magnum, gav oss ein time med song, musikk og dramatisering av forskjellige bøker. Alt krydra med ein stor dose humor. Vi fekk m.a. høyre songen "Lille Petter Edderkopp" i mange versjonar, og nyseversjonen var så populær at Trond måtte syngje den ein gong til. Elles fekk vi smakebitar av forskjellige forfattarar som Arne Svingen, Alf Prøysen, Astrid Lindgren og Merete Morken Andersen. Vi fekk også ei dramatisering av Trond Magnum sin eigen, moderne versjon av "Bukkene Bruse". Trond fekk god kontakt med publikum, eit publikum som song med og som engasjerte seg i dramatiseringa av forteljingane og songane. Dette var ei framsyning som felt i smak, og vi håpar på eit gjensyn med Trond og Annemor.

Lagt inn av: Sigrun

Verdas bokdag

2010-04-23T00:57:00.000-07:00

I dag 23. april

Verdas bokdag blir feira i over 100 land. Det er ein internasjonal dag stifta av UNESCO i 1995. Bokdagen har sin bakgrunn i Katalonia. Frå midten av 1400-tallet har katalanarane feira sin skytshelgen Sankt Georg 23. april. I nyare tid har dagen vore markert ved boksal i gatene og utdeling av roser til kjøparane.

Bokdagen er ei markering av boka si rolle i samfunnet, boka som utrykksform, for språkleg og kulturelt mangfold, for utdanning og for kommunikasjon.

Vi feirar dagen med kaffe, saft, kjeks og ballongar. I neste veke skal vi ha teater og klassebesøk.

Velkomen innom!

Teater

2010-04-22T02:07:00.000-07:00

”BOKstavelig talt”

Onsdag 28. april kl 11.00 kjem Abrakadabra Teatret til Skjåk folkebibliotek. Dei har i samband med leseåret 2010 laga ei humoristisk og sjarmerande framsyning som heiter ”BOKstavelig talt”. Vi får høyre om både ”nye” og ”gamle” forfattarar, og det blir smakebitar frå nokre bøker dei vil at vi skal lese. Dei har òg laga ein moderne versjon av eventyret om dei tre bukkane Bruse. Med Abrakadabrasong, musikk og overraskingar ynskjer vi dykk velkomne til teaterframsyning. Framsyninga passar for barn frå 4 år til 4. klasse.

Velkomen!

Lagt inn av: Sigrun

Nervepirrande krim

2010-04-15T03:30:00.000-07:00

.
Harlan Coben - Hold tett

Tia og Mike Baye hadde aldri trudd dei skulle spionere på sin eigen tenåringsson. Men Adam har vore uvanleg fjern i det siste. Og etter sjølvmordet til venen Spencer, kan dei ikkje la vere å bekymre seg. I sin desperasjon over at dei føler at dei mistar kontrollen, legg dei inn eit spionprogram på Adam sin PC. Dei oppdagar etter kvart ei merkeleg melding frå ein ukjend avsendar. Meldinga er klar - hold tett, så går alt bra! Også forsvinn Adam.

Dramaet er i gang. Du blir kasta inn i alle foreldres verste mareritt. Ein tenåring forsvinn, ei mor sørgjer over sin sons sjølvmord, ein gut har eit desperat behov for ny nyre frå sin biologiske far og ein lærar har trakassert ein elev. I tillegg finn politiet ei drept kvinne i byens horestrøk. Andletet hennar er maltraktert til det ugjenkjennelege. Men er ho verkeleg prostituert? Kven er ho? Du blir involvert i mordarens tragiske bakgrunn. Bli med på ein desperat jakt etter sanninga. Coben samlar på utmerka vis alle trådane til slutt. Hold tett er ei engasjerande, tankevekkjande, underhaldande og meget spennande bok. Boka kom ut i 2010. God bok!

Les fleire bokmeldingar av Harlan Coben sine bøker her :)

- Sjekk om boka er inne her :)

- Sjekk om lydboka er inne her :)

Lagt inn av : Sigrun

Reklamefilm for bibliotektenester

2010-04-06T10:27:00.000-07:00

.
Universitetsbiblioteket i Bergen har vunne 3. premie i den internasjonale bibliotekorganisasjonen IFLAs konkurranse om beste reklamefilm for bibliotektjenester. Gratulerer!

Filmen vart nummer tre av 26 innsendte bidrag frå 13 land i konkurransa om 8th IFLA International Marketing Award. Filmen som ligg ute på Youtube, er sett nesten ti tusen gonger.

Sjå filmen på Youtube:

Magnhild Bruheim

2010-03-27T01:26:00.000-07:00

Krim og spenning for ungdom og vaksne

Magnhild Bruheim er fødd og oppvaksen i Skjåk. Ho er forfattar og journalist, og dessutan niesa til Jan-Magnus Bruheim. Ho har mellom anna skrive fleire romanar i sjangeren bygdekrim og spenningsromanar for ungdom. Ho debuterte med kriminalromanen Varselet (1997), som tek utgangspunkt i skremmande ting frå hennar eigen oppvekst i Skjåk i sekstiåra. Debuten gav meirsmak og etter kvart kom Maskerade (1999), Utan englevakt (2000), Svart arv (2001) og Dragsug (2002). Ho har og skrive tre spenningsbøker for ungdom, Ny melding (2003), Venneringen (2007), desse to har vi skrive om tidlegare på bloggen vår for barne- og ungdomsbøker, den aller nyaste boka hennar for ungdom kom ut denne veka, På flukt (2010). Vi har bøkene hennar på biblioteket.

Les ei god Magnhildbok

På flukt

Ny ungdomsbok for ungdom om tvangsekteskap og æresdrap

Under arbeidet med ein dokumentar om innvandrarjenter oppdagar Bente og Henrik ei jente som heilt tydeleg prøver å få kontakt med dei. Ho står i inngangen til ein bygard, men forsvinn før dei finn ut kva ho vil. Bad ho dei om hjelp? Neste dag er jenta der igjen, og snart blir Bente og Henrik involverte i flukta hennar for å koma unna eit tvangsekteskap og ein familie som er villige til å begå æresdrap.
Magnhild Bruheim skriv spennande om ungdommar som hamnar i livsfarlige situasjonar. På flukt er den tredje boka i den populære serien om Bente og Kami. Passar godt for både ungdom og vaksne. God bok!

Trolldomskraft

Hekseri
Magnhild har og skrive ein spennande historisk roman, Trolldomskraft. I denne boka er eit avhøyr som fann sted på Øyer prestegard i 1730 utgangspunkt for boka. Da måtte Siri Jørgensdotter forklare seg for myndige menn kva for opplevingar ho hadde hatt saman med si ”trollkyndige” mormor. Siri har ein frodig fantasi og ein farleg trong til å gje svar som er forventa av dei myndige, ho anar ikkje kva for farleg situasjon ho sett seg sjølv i. Øvrigheita på si side er ivrige etter å avsløre hekseri, dei trur begjærleg på det Siri fortel. Bakom skremmer historiene om kvinner som har mista hovudet eller blitt brent på bålet fordi dei har kasta trolldom over folk og fe. Når mormora døyr, står Siri i sterk fare for å bli dømt til døden, no gjeld det å stagge fantasien for å berge livet. God bok!

Nattskrik

Handling frå Sota

I kriminalromanen Nattskrik blir ei ung kvinne sporlaust borte. Etter ein omfattande leiteaksjon blir ho funnen drepen i eit skogsområde. Journalist Tuva Velid og faren, politiførstebetjent ved Gudbrandsdal politidistrikt, Hans Velid, blir dratt inn i drapsetterforskinga. Hans Velid reiser til Sota Sæter for å sjå ei amatørteatergruppe sette opp eit stykke. Det er dottera Tuva som har oppfordra han til å komme, Tuva er journalist og skal skrive ei omtale av framsyninga. Det tek ikkje lang tid før det skjer eit mord på Sota, det er hovudrollinnehavaren som blir funnen drepen. Med stødig hand tek Velid kontroll over etterforskinga og sakte men sikkert nærmar dei seg sanninga om drapsofferet og miljøet rundt henne. Tuva Velid gjer sine eigne undersøkingar. Gjennom Facebook finn ho fram til fleire av vennene til Line, og det fører henne også til ei nettside for folk som dyrkar natta og mørkret. God bok!

Les meir om Magnhild Bruheim her :)

Biblioteket har ope til og med onsdag 31/3 i påskeveka. Stikk innom da vel!
Lagt inn av: Sigrun

Påskekrim

2010-03-25T02:15:00.000-07:00

.
Camilla Läckberg

Camilla Läckberg blir omtala som "Nordens krimdronning". Ho har fleire gonger toppa den svenske bestselgerlista. Fyrvokteren, som akkurat er gjeve ut, er den sjuande boka i serien om forfattaren Erica Falck og politimannen Patrik Hedström. Camilla Läckberg debuterte som kriminalforfattar i 2003 med Isprinsessen (norsk utgåve hausten 2008). Denne boka har fått prisane Le Grand Prix de Littérature Policière og Le Prix Polar International. Gyldendal har også gjeve ut Predikanten (2005), Steinhuggeren (2006), Ulykkesfuglen (2007), Tyskerungen (2008) og Havfruen (2009). Dei to første er begge blitt nominert til «Årets bästa svenska deckare». Handlinga i bøkene hennar er lagt til idylliske Fjällbacka. Fleire av dei er filmatiserte. Filmane er også vist av NRK. Vi har bøkene, fleire av filmane, lydbøkene og digibøkene.

- Søk på Läckberg, Camilla i katalogen vår.

I den første boka hennar, Isprinsessen, blir Erica si bestevenninne frå barndommen funnen død i badekaret med oppkutta pulsårer. På kanten av badekaret ligg eit barberblad. Politiet oppdagar snart at det ikkje dreiar seg om sjølvmord. Erica blir ei viktig kjelde i etterforskinga. Saman med politiet må dei tilbake i fortida for å finne svar på dei dystre hemmelegheitene som skjuler seg under overflata. Camilla Läckberg teiknar eit bilete av eit lukka samfunn der folk, på godt og vondt, veit alt om kvarandre, og den ytre fasada har stor betydning.

Les fleire omtaler av bøkene hennar her.

God krim!

Lagt inn av: Sigrun

Knivutstilling ved 10. klasse

2010-03-18T05:25:00.000-07:00

.
Flotte knivar

.....
.....................

Ta deg ein tur til biblioteket for å sjå på dei fine knivane 10. klassingar ved Skjåk ungdomsskule har laga.

Oppgåva til elevane har vore å lage ein brukskniv med dekorpynt, inspirert av akantus, i to fargar. Det er tydeleg at det er lagt ned mykje arbeid i kvar kniv. Flotte knivar!

Lagt inn av: Sigrun

Jan-Magnus Bruheim

2010-03-09T09:24:00.000-08:00

...

Jan-Magnus Bruheim var diktar og forfattar. Han var først og fremst lyrikar, men skreiv også ein del prosa, deriblant ei rekkje barnebøker.

.
Bruheim vart fødd 15.2.1914 i Skjåk, der han også døydde 10.8.1988. Han tok framhaldsskule og ungdomsskule, men slutta etter eitt år på middelskulen. I åra 1957-61 arbeidde han som lærar, elles var han lenge gardsarbeidar på farsgarden, som broren seinare overtok. Forutan 18 diktsamlingar og ei rekkje prosabøker har han skrive to høyrespel som er sende i radio.
Bruheim reiste mykje rundt og las opp frå bøkene sine. Han tok samtida si på pulsen, men diktinga hans er likevel tid- og stadlaus. Eit sentralt tema er striden mellom det vonde og gode, mellom det lyse og mørke. Bruheim var ei tid medlem av Det litterære råd i Den norske forfatterforening. Han har blitt heidra med Doblougprisen, Sunnmørsprisen og Kulturprisen for Gudbrandsdalen.

Nært knytt til heimegarden
Bruheim voks opp som den fjerde i ein syskenflokk på seks på garden Larskvee i Lundagrende i Skjåk. I oppveksten fekk han ta del i eit rikt åndsliv. Mora, Torø Jonsdotter Lund, var musikalsk og ein dugande forteljar, men ho døydde då han var berre 14 år, og dette var eit hardt slag for heile familien. Faren, Mathias Bruheim, var indremisjonsmann og mykje med i fråhaldsarbeid og bygdepolitikk.

Bruheim hadde eit nært forhold til heimegarden og naturen ikring. Etter at syskena hans vaks til og flytte heimanfrå, blei han buande att heime på garden saman med faren, og dei to flytta i lag i ei eiga stove då den eldste broren Hans overtok. Bruheim deltok lenge i gardsarbeidet, men var helseveik. Han var ugift og levde i Skjåk heile sitt liv, med unntak av åra 1978-85, då han budde i Botnane i Bremanger.

Tidlaus om naturen og mennesket
Han fann tidleg ut at han ville verte diktar. Han tok til å skrive så snart han kunne setje saman ord, fortel han sjølv. I byrjinga heldt han dikta sine for seg sjølv, seinare sleit han for å få gje ut si første diktsamling. Gjennombrotet kom i 1941 med Stengd dør. Den siste samlinga hans, Spegelbrot, kom ut etter hans død i 1990. Det er gjeve ut to utval av dikta hans, Dikt 1941-1966 og Dikt i samling (1981), begge utvalde av Reidar Djupedal.

Diktinga til Bruheim representerte eit brot med den politiske lyrikken i 1930-åra. Den er i stor grad tidlaus og allmennmenneskeleg, og har sterke drag av naturstemningar og folkedikting. Eit tema som ofte går att er einsemd og trongen til kontakt med andre. Bruheim heldt seg mykje til den klassiske diktar-stilen med bunden verseform og rim. I ein periode kring 1970 var han likevel noko friare i stilen, før han seinare vende tilbake til ei meir klassisk dikting att.

Pedagogen og barnebokforfattaren
Bruheim hadde sterke pedagogiske evner. Skulen måtte styrke draumane og forteljargleda før teknikk og pedanteri tok borna, meinte han. Bruheim arbeidde sjølv i fire år som lærar i Skjåk og Vågå, men då skulesentraliseringa sette inn, sa han takk for seg. Vern om dei små grendeskulane vart ei av hans fane-saker.

I midten av 1950-åra tok Bruheim til å skrive diktbøker for born, noko han vann stor popularitet på. Dei fleste av desse bøkene er illustrerte av Reidar Johan Berle. Den mest vidgjetne av dei er truleg Reinsbukken Kauto frå Kautokeino (1966), som kom ut både på samisk og engelsk. Fleire av versa og rima hans er også tekne med i samleverk for lesing og song. Bruheim gav sjølv ut ein antologi over norske voggesongar (Den fyrste song (1967), saman med Oddny Auklend) og eit utval av eventyr frå Tusen og ei natt (1977-79, to band).

Prosatekstar og samfunnsengasjement
Først og fremst kjende Bruheim seg som lyrikar, men han våga seg også ut i både prosa og essay. Nokre av bøkene hans er samlingar av frittståande forteljingar eller noveller, som Møte i myrkret (1973). Dei kalla meg Jo (1962) og Ljosringen byggjer i stor grad på eigne barndomsminne, mens Tankefuglar i tunet (1980) inneheld ferdaskildringar frå nord og sør i landet. I 1974 kom prosasamlinga I kveldseto.

Bruheim var pasifist, tilhengjar av fredsrørsla og skreiv fleire stykke der han åtvara mot atomvåpen. Han besøkte mange land, mellom anna var han ei ferd til det krigsherja Tyskland i 1946. Som medlem av ein norsk freds- og kulturdelegasjon fekk han også høve til å besøke Sovjetunionen.

Kjelde: Allkunne leksikon

Lagt inn av: Sigrun

Den kvite hjorten med Tindra og Helge Jordal

2010-03-09T08:16:00.000-08:00

..
..
Tekst: Jan-Magnus Bruheim
..

Dette er ei familieframsyning basert på Jan-Magnus Bruheim si barnebok med same namn. Folkemusikktrioen Tindra har tonesett dei 61 versa på rim, bli med på ei musikalsk reise saman med Helge Jordal og elevar frå Skjåk kulturskule (karusellgruppa) i den kvite hjorten si verd.

Framsyninga handlar om ein hjortekalv som skil seg frå dei andre hjortane av di han er kvit. Då mora hans blir skoten av ein jeger, blir han overlaten til seg sjølv. Gjennom ord og tonar følgjer ein hjorten sin kamp for å overleve, vinne kjærleik og finne fellesskap. Den kvite hjorten er ei musikalsk historie om rasisme og mobbing, men gjev også framtidshåp. Trioen kjem til Skjåk torsdag 25. mars for å syne fram denne musikalske historia. Marlo grendehus er lokalet.

I samband med denne framsyninga har vi laga ei utstilling med Jan-Magnus Bruheim sine bøker og informasjon om forfattarskapen hans.

Sjekk om boka "Den kvite hjorten" er inne :)
Sjekk om cd-en "Den kvite hjorten" med Tindra er inne :)

Lagt inn av: Sigrun

"Den store sangskatten" med Marianne Kostøl

2010-03-08T23:31:00.000-08:00

........
.........

Klikk på bilete for større tekst

Lagt inn av: Sigrun

La meg synge deg stille sanger - av Linda Olsson

2010-02-24T01:20:00.001-08:00

Ei vakker bok om venskap

Vi blir kjend med Veronica, ei dame midt i trettiåra. Ho søkjer tilflukt i eit hus i Sverige etter ei dramatisk hending. Planen hennar er å skrive ein roman, men det er tydeleg at ho flyktar frå noko. Ho blir advara mot naboen, "heksa" Astrid. Ein dag bankar ho på, og dei utviklar eit uventa og uvanleg venskap. Astrid viser seg å være ei einsam gammal dame som aldri har vore utanfor bygda. Dei fortel kvarandre sine innarste hemmelegheiter, vi får høyre historier om den djupaste kjærleik som er øydelagt av skjebnen eller vondskapen i skikkelse av ein far og ein ektemann. Og Astrid har verkeleg vanskelege hemmelegheiter ho held skjult. Det er mykje drama og vondskap, men boka formidlar det på ein måte som passer resten av historia. Dette er ei varm bok om venskap på tvers av alder. Man skal ha eit hjerte av stål for ikkje å gråte!

Sigrun

La meg synge deg stille sanger kom ut i 2005 og er populær i fleire land. Hennar andre roman, Taushetens konsekvenser, kom ut i 2009, og gikk rett inn på dei norske bestselgerlistene.

Vi har både bok, lydbok og digibok.

Sjekk om dei er inne her:

- Boka

- Lydboka

- Digiboka

Mange nye boktips på barnebloggen vår

2010-02-16T09:35:00.000-08:00

.
3. klasse i Marlo anbefaler:

.. ...

3. klasse i Marlo har jammen vore flittige på etterjulsvinteren. Dei har lese kvar si bok og sendt inn bokanbefalinger til bloggen vår.

Sjå bloggen vår for:

Barne- og ungdomsbøker

Lagt inn av: Sigrun

Ope dag på Otta om utdanning for vaksne

2010-02-15T04:38:00.000-08:00

Karrieresenteret Opus Nord-Gudbrandsdal
arrangerar ope dag om vaksnes læring torsdag 18. februar.

Klikk på bilete for å lese meir.
.
.
.
.
.
Lagt inn av: Sigrun

Morten Schakenda

2010-02-12T02:25:00.000-08:00

"-om boller, brød og tilfeldigheter fra Bakeriet i Lom"

"Baker'n brød "

Les historia om Morten Schakenda, ein av Noregs beste kokkar som pakka vekk kokkeknivane og vart bakar i Lom. Det er også ei bakebok som får deg til å lengte etter dufta av nybaka brød, og lærer deg kunsten å bake brød. Vi har boka!
Sjekk om boka er inne:)

Til inspirasjon ......

Lagt inn av: Sigrun

Slumdog millionaire

2010-02-11T03:40:00.000-08:00

Sjå ein god film!

Dette er ei søt og medrivande historie med knallhard slumrealisme, farleg mafiaverksemd og eit spennande spørjeprogram. Den unge gateguten Jamal er i avhøyr hjå politiet. Han er nemleg mistenkt for juks i det populære TV-programmet "Vil du bli millionær". Korleis kan ein Slumdog vite så mykje? Jamal fortel korleis han har svar på alt, samtidig blir det ei skildring av heile hans oppvekst som slumgut. Vi får sjå kva Jamal og broren Salim måtte gjere for å overleve livet på gata, og vi får ta del i Jamals gryande kjærleik til gatejenta Latika. Det er imponerande korleis filmen fortel fleire historier samtidig, og flettar dem lett inn i kvarandre, både i fortid og notid. Bli med til den fargerike slummen og det store folkehavet som fyller kvar filmrute med liv, lydar og lukter."Slumdog Millionaire" vil sjarmere deg, men ikkje før den har fått deg til å le og gråte over Jamal og hans fantastiske historie.

Filmen er ei stor oppleving du bør unne deg!

Sigrun

Vi har både boka, lydboka og filmen på biblioteket.

Sjekk om filmen er inne her : )

Sjekk om boka er inne her : )
Sjekk om lydboka er inne her : )

"P2-lytternes romanpris"

2010-02-08T01:17:00.000-08:00

Forfattaren Karl Ove Knausgård er vinnaren av den gjeve lyttarprisen med boka "Min kamp. Første bok", som er den fyrste av i alt seks bind. Juryen har bestått av vanlege radiolyttarar, med forskjellig bakgrunn.

- "Jeg hadde egentlig bestemt meg for at jeg ikke skulle like den, men ble overbevist etter bare å ha lest ett kapittel", seier Kristine Thorsen i juryen.

Les ein bokomtale av boka:

- "Min kamp. Første bok"

Lagt inn av: Sigrun

I "Fjuken" 4/2-10

2010-02-04T23:47:00.000-08:00

Konservator Kåre Hosar på Skjåk folkebibliotek

- eit foredrag om kva som finst på Maihaugen frå Skjåk

Klikk på bilete for større tekst

Lagt inn av: Sigrun

Bjørnson-året 2010

2010-02-04T08:53:00.000-08:00

I år er det 100 år sidan Bjørnstjerne Bjørnson døydde. Dette skal markerast over heile landet. Bjørnstjerne Bjørnson vart født 8. desember 1832 på Bjørgan prestegard i Kvikne i Østerdalen. Han er kjend for sine mange forteljingar, romanar, historiske skodespel og nærare 400 dikt som har inspirert mang ein tonekunstnar.

Mest kjend er Bjørnson for nasjonalsongen vår Ja, vi elsker og bondeforteljingane Synnøve Solbakken og En glad gutt. I 1903 fikk Bjørnson Nobels litteraturpris for sitt forfattarskap.
Bjørnson vart samtidas store kulturpersonlegheit i det litterære, kulturelle og politiske liv. Ingen sak var for liten eller stor. Han tok eit klart standpunkt for dei små i samfunnet og for dei små nasjonars rett til friheit og sjølvstende.

På biletet ser du Bjørnstjerne Bjørnson, eit oljemåleri av P. S. Krøyer, måla i 1901 på Aulestad.

Les meir om Bjørnson:
- Den nasjonale nettsiden for Bjørnsonåret
- Oppland fylkeskommune markerer Bjørnsonåret 2010
- Bjørnsonåret - Maihaugen

..........Eit Bjørnson sitat:
.........."Du skal ikke dømme om det du ikke kjenner."- Fra Synnøve Solbakken (1857)

Lagt inn av: Sigrun

"Skjåk på Maihaugen"

2010-01-22T10:00:00.000-08:00

Øygard skule
på Maihaugen

.

Kåre Hosar fortel om kva som har kome frå Skjåk til Maihaugen
på
Skjåk folkebibliotek Sundag 31. januar kl 1930
Enkel servering - Vel møtt!

Arr: Skjåk historielag og Skjåk folkebibliotek

Vi har fleire bøker om Maihaugen på biblioteket.

Lagt inn av: Sigrun

Leseåret 2010

2010-01-21T02:48:00.000-08:00

Leseåret 2010 er av Kunnskapsdepartementet og kultur - og kyrkjedepartementet peika ut som Nasjonalt leseår. Leseåret 2010 skal vere starten på eit leseløft som skal vare til 2014. Heile befolkninga vil vere målgruppe for Leseåret 2010. Det er naturleg at biblioteka står sentralt i eit Nasjonalt leseår. Biblioteka er opne for alle, har kunnskapen, arenaen og - ikkje minst - kontakt med lesaren.

Vi på biblioteket i Skjåk Derfor har laga ein eigen blogg for barne-og ungdomsbøker. Vi ynskjer at alle elevar og lærarar i Skjåk kan vere med å gjere denne bloggen til ein ressurs i så måte. Send ei bokanbefaling på e-post til biblioteket, så legg vi den ut med bilete av boka og signaturen din.

Sjå bloggen for barne-og ungdomsbøker her:)

Lagt inn av: Sigrun

"P2-lytternes romanpris"

2010-01-21T01:28:00.000-08:00

No er seks av bøkene valt ut frå lista til "P2-lytternes romanpris"for 2009. Desse skal konkurrere om juryen sin gunst, sjølve kåringa går føre seg i februar. Vi har bøkene på biblioteket.

Dei nominerte er:

- Nils Fredrik Dahl: "Herre"

- Karl Ove Knausgård: "Min kamp 1"

- Mirijam Kristensen: "Et rikt liv"

- Britt Karin Larsen: "Det vokser et tre i Mostamägg"

- Atle Næss: "Din nestes eiendom"

- Anne Oterholm: "Toget fra Ajaccio"

Du kan klikke på tittelen for å sjekke om boka er innne.

Les meir om prisen her.

Lagt inn av: Sigrun

Flickr

2010-01-11T05:41:00.000-08:00

Vi har lagt ut nokre bilete frå biblioteket på flickr.
Ta ein kikk her : )

"Den usynlige muren" og "Drømmen"

2010-01-07T00:20:00.000-08:00

.....

av Harry Bernstein

I desse to bøkene møter vi jødiske Harry og familien hans. Dette er ei forteljing om kampen for å overleve, men det er også ei bok om håp, kjærleik og humor. Det er ei spennande og sann historie, skrive av ein som var med. Ein kan nesten kjenne lukta, høyre lydane og føle stemninga frå denne tida, som er 1. verdskrigen. Handlinga går føre seg i industribyen Lancashire i England, ein fattig og grå by på denne tida. Byen var brutalt delt i to. Ein usynleg mur prega livet til alle som budde der. På den eine sida budde jødane og på den andre budde dei kristne, to forskjellige verder som aldri måtte møtast og blandast.

Skildringa av faren er sterk. Vi får høyre om ein far dei sjeldan ser eller pratar med. Han går på puben kvar dag, og mora får så lite hushaldningspengar at ho knapt kan fø ungane sine. Men heldigvis har ho både pågangsmot og omsorgsevne, ho klarar mot alle odds å starte ein liten fruktbutikk som sel frukt som dei andre torghandlarane elles ville ha kasta. Familien er nemleg så fattig at mora ikkje har råd til skinnsko til sonen sin, han blir nekta plass på den fine skulen. Han må gå på ein dårleg skule kor både han og syskena hans blir mobba og plaga.

Ingen tvil om at denne forfattaren har ei sjeldan evne til å skape stemningar. Når han begynner å fortelje, blir lesaren raskt trekt inn i hans verd.

"Drømmen" er oppfølgjaren til den fyrste boka. Dei kom ut i 2007 og 2008.

Sjekk om bøkene er inne:

Bok 1: "Den usynlige muren" og

Bok 2: "Drømmen"

Lagt inn av: Sigrun

Internettkafé

2010-01-04T04:58:00.000-08:00

Vi startar opp med internettkafe, som er eit gratis tilbod til vaksne. Den er ein uformell møteplass kor du får tilgang til PC og internett med moglegheit for rettleiing.
Fyrste internettkafé er
måndag 18. januar kl 10 – 13
Ingen påmelding – berre møt opp!
Vel møtt:
- måndag 18/1 kl 10 - 13
- måndag 15/2 kl 10 - 13
- måndag 15/3 kl 10 - 13
- måndag 26/4 kl 10 - 13 NB! Ny dato
- måndag 10/5 kl 10 – 13

Sal av kaffe og biteti

Skjåk folkebibliotek

Tlf: 61 21 43 00

Lagt inn av: Sigrun

Visste du at:

2009-12-29T03:48:00.000-08:00

På biblioteket har vi også musikk til utlån i mange sjangrar. Vi har eit godt utval i pop, rock, visesong, folkemusikk, jazz, og klassisk musikk.

Du kan mellom anna låne cd-en til Aasmund Nordstoga, som er bror til Odd. Han har ei varm og fin stemme, og "Eit visefugg" er ein cd med høgstemte og burleske historier med sprelske og vakre arrangement. Her er folketonar, gammaldans og viser. Høgdepunkt er: "Det er meg det samme hvor jeg havner når jeg dør" og "Du sier du vil".

Sjekk om cd-en er inne : )

2009-12-16T23:52:00.001-08:00

Utstilling på biblioteket

- Hamsun på fleire språk

I år er det 150 år sidan forfattaren Knut Hamsun vart født. Personen Hamsun blir av mange fortsatt oppfatta som kontroversiell, men forfattaren Hamsun sin storheit er det få som nektar for.

I 1920 fekk Hamsun Nobelpris i litteratur for romanen Markens grøde, og sidan den gong har han hatt ein sentral posisjon i verdslitteraturen. Dette kan vi sjå ved at bøkene hans er oversett til fleire språk. Mange av desse kan lånast frå Det flersprålige bibliotek som lånar ut bøker og anna materiale på mange språk.

Denne utstillinga viser eit utval oversette Hamsun-bøker.

Tonje Glimmerdal

2009-12-14T05:34:00.000-08:00

av Maria Parr - Brageprisvinnar 2009

I boka om Tonje får vi mellom anna halsbrekkande testløp på kjelke, tamme måker på sykkeltur, samanstøt med kaffekjelar og grotter fylt med felespel.
Ei herleg høgtlesingsbok som er både morosam, hjartevarm og spennande. Handlinga går føre seg i Glimmerdalen. Vi møtar Tonje, som snart er 10 år og er den einaste ungen som bur her. Bestevenen hennar Gunnvald er derfor "litt" eldre enn Tonje, han er 74 år og er en bisk sauebonde og felespelar. Men ein dag havnar Gunvald på sjukehus med broten lårhals. Tonje får nyss om at Gunnvald har ein stor løyndom han ikkje har delt med bestevenninna si. Tonje får mykje å rydde opp i.

Dette er ei bok alle vaksne bør unne seg å lese høgt om dei har nokon å lese høgt for. Høgtlesingsbok frå ca 6 år, lese sjølv frå ca 9-12 år. Kos deg!
Maria Parrs debutbok, Vaffelhjarte, var ein suksess og er ute på sju språk.

Sigrun

Sjekk om boka er inne : )

Kunstutstilling av kulturskulen

2009-12-12T03:08:00.000-08:00

Her ser du 3 av dei fine portretta som elevar ved kulturskulen har laga. Dei er laga med ein teknikk som heiter Decoupage. Serviettar er klipt i små bitar, deretter sett saman og lakka til fine portrett. Mykje arbeid er lagt ned i desse fine bileta. Vil du sjå resten av utstillinga må du ta deg ein tur innom. I desember serverer vi og kaffe og peparkaker.

Velkomen innom!

Lagt inn av: Sigrun

Atle Hansen på forfattarbesøk i Skjåk

2009-12-02T10:00:00.000-08:00

Denne veka har Atle Hansen vore på barneskulane i Skjåk for å fortelja om den nye boka si "Den svarte oksen".

Boka handlar om Gisle, som er ein gut på ca 12 år. Det er sankthans. Gisle har drege åleine på telttur utan at nokon veit om det. Det viser seg å vere skumlare enn han hadde trudd. Plutseleg står det ein svart okse der, og Gisle har ein følelse av at det er nokon som tuslar rundt teltet når det blir mørkt. Han meiner å høyre at nokon kviskrar namnet hans, endå han er åleine, eller...? Han blir tørr i munnen, han kjenner hjartet slår, han vågar ikkje gå ut, kven kan det vere som er utanfor? Han trur det spøkjer i dei gamle hustuftene, eller er det berre noko han trur fordi han er fælen. Dette er ei lita men intenst spennande bok. Boka har nynorsk tekst. Den er lettlesen og passar for både gutar og jenter frå 4. klasse til 7. klasse. (Som likar skumle bøker).

På biblioteket finn du eit skjema med nokre få, enkle spørsmål frå boka. Svar på spørsmåla, send inn skjemaet, og du er du med i trekninga av ein flott bokpremie.

Sjekk om boka er inne her : )
Les mer om Atle Hansen her : )

Lagt inn av: Sigrun

2009-12-01T13:00:00.000-08:00

Til alle store og små born!

Tunkatten Lurivar opnar julekalenderen sin i dag! Alle store og små born er velkomne.

Lurivar har eigen nettstad med tips om gode bøker, forteljingar om seg sjølv, ei eiga songbok, diktverkstad, puslespel, kryssord og mykje anna.

Beste helsing tunkatten Lurivar
og
NYNORSK KULTURSENTRUM

Sjå her : )

Lagt inn av: Sigrun

Bienes hemmelige liv

2009-11-30T14:00:00.000-08:00

av Sue Monk Kidd

Handlinga går føre seg i Amerika på den tida da svarte og kvite ikkje hadde like rettar. 14 år gamle Lily Owens bur aleine med sin inneslutta far på ein ferskengard.

I 10 år har Lily levd i den trua om at ho har drepe det menneske ho elska mest her på jorda, nemleg mora. Det einaste handfaste ho har etter mor si er ei lita eske med nokre få av hennar eigendelar: eit fotografi, eit par kvite hanskar og eit bilete av ei svart madonna. Desse vil etter kvart vil få stor betyding for Lily. Dagane ber preg av eit konstant sakn etter ho. Det tragiske dødsfallet har gjort faren bitter og han viser liten interesse for dotter si. Den dagen Lily si svarte barnepike, Rosaleen, blir sett i fengsel, bestemmer Lily seg for at det er på tide å rømme. Ho rømmer frå far sin og frigjer Rosaleen frå fengselet. Dei endar i småbyen Tiburon kor ein spesiell honning blir produsert, den har bilete av ei sort madonna på krukkene. Lily hugsar bilete frå mora si eske. Dette bilete leiar ho til ein biefarm kor tre fagre og vedunderlege systrer lever saman. I dette varme kvinnefellesskapet finn Lily kjærleik, tryggleik og svar på fortidas gåter. Bilete av mora trer tydligare fram, men kanskje ikkje slik ho hadde håpa. Boka er også filmatisert. Vi har både boka, lydboka og filmen. Boka kom ut på norsk i 2005.

- Sjekk om boka er inne her.

- Sjekk om filmen er inne her.

- Sjekk om lydboka er inne her.

Ei bok som er verdt å lese!

2009-11-27T12:05:00.000-08:00

Jul i biblioteket

Vi har sett fram julebøkene. Vi har bøker som handlar om:

- å lage julegåver med ungane, å lage julepynt til huset, jul i gamle dagar, spennande oppskrifter på tradisjonsmat.

Eller vil du rett og slett finne roa i ei kjær gamal juleforteljing? Vi på biblioteket hjelper deg. Her kan du finne eit stort utval av julebøker og filmar for både store og små.

Velkomen til ei triveleg førjulstid på

Skjåk folkebibliotek!

2009-11-26T04:54:00.000-08:00

I "Fjuken" i dag 26/11-09:

2009-11-20T13:00:00.001-08:00

Intimkonsert på biblioteket

Med bokhylla som seneteppe og levande ljos (samt ein god gløgg i pausa), fekk vi ein stemningsfull konsert på biblioteket onsdag kveld. Tom Roger sine Dylan-gjendiktingar har på kort tid blitt lagt merke til. Aadland haustar ros frå mange hald for sitt modige prosjekt - å tolka, oversetja og gjendikta Bob Dylan sitt store "skilsmissealbum", "Blood on the tracks", frå 1975. Blod på spora er lagt opp kronologisk som på originalversjonen. Det heile starta med "Vikla inn i blått" som naturlegvis er "Tangled up in blue". "Simple twist of faith" er "Lagnaden sin vri", mens "You're a big girl now" naturlegvis har blitt til "Stor jente nå". Nynorsk er eit poetisk og songbart språk med ein sterk lyrisk tradisjon. I arbeidet med å gjendikta songane, har Tom Roger Aadland lagt vekt på å halde seg nær originalen når det gjeld val av ord, fraser og tydingar, samstundes har han vore opptatt av at dei norske versjonane skal kunne stå på eigne bein både på plate og konsert. Han har planar om fleire oversettingar, og mange var einige om at då ynskjer vi ein ny konsert her i Skjåk.

Lagt inn av: Sigrun

2009-11-12T09:30:00.000-08:00

Slektsforskning på internett

Skjåk folkebibliotek/Skjåk studiesenter arrangerer kurs i slekstforskning på internett
måndag 30. nov. kl. 10.00.

Påmelding: Skjåk folkebibliotek, tlf. 61 21 43 00.
Plass til 10! Gratis!