Innlegg

Viser innlegg fra april, 2016

Triveleg besøk

Bilde
1. og 2. klassingane i Marlo I dag har vi hatt besøk av ein glad og triveleg gjeng som kom og lånte både bøker og filmar. På bileta under ser du 1. og 2. klassingane Esten, Noa, Oliver Marcus, Håkon, Tuva, Jonas, Heming, Eldri Marie og Lars som storkosar seg på biblioteket.

Teater og kunstutstilling av barn og unge

Bilde
Onsdag 27. april Kl 17 Høgtidleg opning av utstilling Ordføraren skal opne den årlege og populære kunstutstillinga av elevar ved Skjåk kulturskule. Kl 18 Teaterframsyning Velkomen til ei sjarmerande teaterframsyning av elevar ved Skjåk kulturskule. Framsyninga heiter "Hønemor og dei tolv små kjuklingane" etter ei bok av forfattaren Aslaug Høydal. I år har vi eit jubileum for forfattaren Aslaug Høydal, det er 100 år sidan ho vart født. I samband med jubileet er det laga ei eiga nettside.  Her kan du m.a. lese meir om teaterframsyninga. Gratis inngang. Velkomen :)

Spennande bokprat

Bilde
"Ut av Hylla" Forfattar Linn T. Sunne og bibliotekar Merete Byrøygard skal bokprate nokre av fjorårets bøker. Skjåk folkebibliotek Onsdag 20. april kl 19.30 Skjåk bygdekvinnelag serverer  kaffi og biteti. Gratis inngang Velkomen :)

Aslaug Høydal 100 år

Bilde
"Med pennen som våpen" I samband med at det er 100 år sidan forfattaren Aslaug Høydal vart fødd, har vi invitert Einar Gotehus (frå Seljord) til Skjåk  for å halde foredrag om diktinga hennar. Mari Brenna vil fortelje litt om naboen Aslaug Høydal, Svein Bjotveit vil syngje og spele for oss og Endre Skjåk skal fortelje eit eventyr etter Aslaug Høydal. Gratis inngang. Enkel servering. Arr: Nemnda for "Aslaug Høydal 100 år", Skjåk folkebibliotek og Skjåk Historielag Velkomen! Besøk gjerne nettsida til  Aslaug Høydal.

Boktips - "Avslørt"

Bilde
av Renée Knight Filmskaparen Catherine Ravenscroft har akkurat flytta inn i nytt hus saman med ektemannen. Dei er enno ikkje ferdig med å pakke ut og det er rimeleg kaotisk rundt dei. Catherine skjønar ikkje kvar boka på nattbordet kjem frå?  Ei natt ho ikkje får sove, byrjar ho å lese… Ho blir kasta inn i eit mareritt i vaken tilstand. Boka som gjev seg ut for å vere fiksjon, fortel med levande detaljar om livet hennar og noko djupt tragisk som hendte for mange år sidan. Ho har ein mørk hemmelegheit som ho var sikker på ho delte med ein einaste person – og denne personen er død. Kven er det som har skrive boka, og kven har lagt ho på nattbordet? Kven har sendt boka til sonen og ektemannen? Boka er svært kløktig komponert. Historia  vekslar heile tida synsvinkel og stemme mellom Catherine Ravenscroft, og ein fordrukken og halvt forvirra Stephen Brigstocke. Sistnemnte har vore ein avskydd lærar. Kva dei to høgst ulike karakterane har med kvarandre å gjere, blir heldt skjult for l

Populært besøk av Lisa Aisato

Bilde
Publikum i si hule hand I dag hadde vi besøk av alle dei flinke førskuleungane i Skjåk. MEN - det stoppar ikkje der. Vi hadde nemleg  besøk av ei dame også - og det var ingen ringare enn den anerkjente illustratøren og barnebokforfattaren Lisa Aisato. Lisa Aisato og førskuleungane i Skjåk Ho fortalte at ho har vore glad i å teikne heilt frå ho var lita. Ho teikna, synte fram og gav gode tips til korleis også vi , "heilt enkelt", kan teikne og illustrere ved å bruke vår eigen fantasi og skaparkraft. Publikummet satt stille som mus og fekk med seg kvart eit ord som vart sagt og kvar ei teikning som vart teikna. Lisa hadde med andre ord publikummet i si hule hand. Boklek Lisa Aisato er årets Boklekforfattar, Boklek er eit samarbeid mellom Oppland fylkesbibliotek, Norsk Litteraturfestival og alle dei 26 folkebiblioteka i Oppland. Målet med prosjektet er å skape positive litteraturopplevingar for alle førskulebarn i Oppland. Gjennom Boklek kan barna oppdage boka v

Gratis tilgang til 5 000 aviser på 70 ulike språk

Bilde
Gladmelding På biblioteket får du no tilgang til tusenvis av aviser og magasin frå heile verda! Oppland fylkesbibliotek lanserer i dag tenesta PressReader i alle folkebibliotek og skulebibliotek i vidaregående skular i Oppland. Tenesta gjev bibliotekbrukarane gratis tilgang til over 5 000 aviser og tidsskrifter på 70 ulike språk. Alt kan lesast på nettbrett eller mobiltelefon. Det einaste du treng å gjere er å laste ned PressReader-appen som er gratis frå Appstore eller GooglePlay. Dersom du brukar PC, kan du besøke  www.pressreader.com og få den same tilgangen. Etter at du har vore på biblioteket, har du tilgang til tenesta i heile 72 timar, uansett kva for nett du er tilkopla. Nedlasta aviser/magasin kan lesast offline. Oppland fylkeskommune: "Ny gratis bibliotektjeneste i Oppland" Oppland fylkesbibliotek:  Brosjyre om PressReader på engelsk Oppland fylkesbibliotek: Brosjyre om PressReader på norsk

BokLek med Lisa Aisato - ein invitasjon til alle førskuleungane

Bilde
BokLek-forfattaren for 2016 er Lisa Aisato. Aisato er ein norsk illustratør, forfattar og biletkunstnar som har gjeve ut fleire barnebøker og illustrerer for fleire forlag. BokLek er eit samarbeid mellom Norsk Litteraturfestival, Oppland fylkesbibliotek og alle dei 26 folkebiblioteka i Oppland. Målet med prosjektet er å skape positive litteraturopplevingar for alle som skal byrje på skulen i Oppland. Ungane blir invitert med til å oppdage boka gjennom å lytte, teikne, dikte, fortelje og skape. Prosjektet BokLek ynskjer å vise at det er mange vegar inn i boka, og at barna skal kunne delta på eigne premissar. BokLek er eit årleg bokprosjekt, der det blir engasjerert ein barnebokforfattar eller illustratør som skal på turné til alle folkebiblioteka i Oppland. Lisa Aisato kjem til Skjåk folkebibliotek tysdag 5. april kl 9.30. Meir informasjon om BokLek 2016 Oppland fylkeskommune har skrive ein artikkel om BokLek.