Innlegg

"Verdensdagen for psykisk helse" er 10. oktober

Bilde
I dag er det «Verdensdagen for psykisk helse». Fredag var vi med og markerte dagen. Geir Byre spelte, song og fortalde om si erfaring med psykisk helse og kor viktig det er å tore og be om hjelp. Det var sterkt og fint! Sjukepleiarstudent Anja Smedsmo hadde eit fint innlegg til ungdommen der ho m.a. fokuserte på at du skal våge å vere deg sjølv, at du må vere eit godt medmenneske og at du må strekkje ut ei hand til dei som står utanfor. Flink dame! Toril Renate Aabakken informerte om korleis Psykisk Helseteneste Lom & Skjåk jobbar og kva dei kan tilby. Vi hadde invitert 9. klassingane, til saman vart det 60 personar «i salen». Til slutt kosa vi oss med lunsj sponsa av Psykisk Helseteneste Lom og Skjåk. Torill Renate Aabakken Jotun og Anja Smedsmo frå "Psykisk helseteneste Lom og Skjåk" Geir Byre - ein musikalsk og "luggum" kar Lunsj hjå Skjåk folkebibliotek

Sommarles og trylleshow

Bilde
Måndag 26. september hadde vi fullt hus og avslutningsfest for Sommarles. Sommarles er  ein digital og nasjonal lesekampanje som går føre seg kvar sommar. Her kan alle 1. - 7. klassingar vere med på Norges kulaste lesekampanje saman med barn frå heile landet. I Innlandet fylke var 45 bibliotek med i år. Lom og Skjåk toppar denne lista som nr. 1 og 2 når det gjeld oppslutning. På avslutningsfesten kom tidlegare norgesmeister i trylling, Mikal Hednè, og hadde trylleshow for oss. Vi runda av det heile med ei spennande premieutdeling. Det var 3. klassingen Alfred Henriksen Bøhle som vann hovudpremien i år.   Takk til alle som har vore med! Vi gler oss allereie til Sommarles 2023. "Dette hadde eg aldri trudd kunne skje med meg!"                                                                                      Alfred Henriksen Bøhle. 3. klassing og glad vinnar                                                                                                              

Opningstider

Bilde
Frå 22/8-22 har vi vanlege opningstider att. Velkomne innom :)  

Bibliotekets litteraturpris - bli med og stem :)

Bilde
Bli med og bestem kva for bok som skal få Bibliotekets litteraturpris for aller første gong. Les og stem Les dei nominerte bøkene og stem på dine tre favorittar innan 24. oktober 2022. Her finn du meir informasjon om bøkene og korleis du kan stemme: biblioteketslitteraturpris.no Bli med da vel :)

93 ungar er med på Sommarles i Skjåk

Bilde
Vi har plass til fleire:) Gjer som Lina, Eilev, Andreas og Henrik - bli med du også! Kampanjen varer heilt til 31. august. Sommarles.no Den nasjonale og digitale lesekampanjen  Sommarles.no  er altså i full gang. Sommarles har vore ein stor suksess gjennom fleire år. I fjor deltok over 120 000 ungar. Målet med kampanjen er å motivere ungan e til å lese så mykje dei berre orkar i løpet av ein lang sommarferie. Undervegs er det mange fine premiar å hente. I september blir det heile avslutta med show og fest. Boktips frå Andreas og Henrik Andreas likar boka "Verdens verste barn" medan storebror Henrik anbefaler serien "Kattekrigerne". Boktips frå Lina og Eilev Lina likar bøker om dyr og Eilev har lånt boka "Den store prompekonkurransen".

Sommaropning 2022

Bilde
Sommaropning frå 20. juni 2022 - Tysdag kl 14-19 - Onsdag kl 10-14 - Torsdag kl 10 -14