Svein Nyhus på bokleik i Skjåk

Av Sigrun Eide -

Ein eineståande formidlar

I dag har vi hatt besøk av illustratør og barnebokforfattar Svein Nyhus. Han las frå boka "Jeg" med stor innleving.

Nyhus var morosam, livleg og fengja ungane utan problem. Han viste fram teiknekunstane sine på ei tavle, og ungane fekk hjelpe han å lage ein heilt ny karakter. Svein Nyhus er ein eineståande formidlar.

Ungane lo ekstra godt da han forklarte kvifor han har "litt" lite hår midt på hovudet. Ei forklaring var nemleg at han hadde vokse så fort, at han voks gjennom håret sitt...

Nyhus avslutta med å vise eit enkelt og effektivt tryllenummer – nemleg at han kunne dele tommelen sin i to - utan å blø!


Hanne ynskjer Svein Nyhus velkomen








Ein ny karakter blir teikna på bestilling frå publikum







Svein Nyhus på Skjåk folkebibliotek
Karakteren skulle ha stor nase, store augo og gelè i håret
Svein Nyhus på Skjåk folkebibliotek
Usikker? Blid? Svein teiknar ulike ansiktsuttrykk 

Svein Nyhus på Skjåk folkebibliotek
Svein delte ut blyantar og svara på spørsmål


Svein fekk sjokolade og eit fint berenett
med sitat av Skjåkforfattaren Jan-Magnus Bruheim


BokLeik

BokLeik er eit samarbeid mellom Norsk Litteraturfestival, Oppland fylkesbibliotek og alle dei 26 folkebiblioteka i Oppland.

Målet med prosjektet er å skape positive litteraturopplevingar for alle som skal byrje på skulen i Oppland. Ungane får oppdage boka gjennom å lytte, teikne, dikte, fortelje og skape. Prosjektet BokLeik ynskjer å vise at det er mange vegar inn i boka, og at barna skal kunne delta på eigne premissar.

















Kommentarer

Legg inn en kommentar

Populære innlegg fra denne bloggen

TV-spel i biblioteket

Av Sigrun Eide -
Bilde
Bowling i biblioteket Spel er kultur No kan du spele TV-spel i biblioteket. Vi har i fyrste omgang kjøpt inn ein Nintendo Wii med  Super Mario Galaxy 2, Harry Potter, Wii Sports og Wii Sports resort. Det er òg akuelt å kjøpe inn andre typar konsollar. Med St. meld. nr 14 (2007-2008) "Dataspill" fekk dette mediet si eiga stortingsmelding kor det vart slått fast at dataspel er kultur, og skal behandlast på lik linje med andre kulturuttrykk, som f. eks litteratur, film og musikk. Biblioteka er både ein møtestad og ein kunnskapsplass – det flotte er at dei framleis er det for alle. Dei som leser skjønnlitterære bøker, dei som helst vil lese leksikon, dei som leser lydbøker, dei som leser filmar og dei som leser på skjermen.     Pil og boge    Fulltreffer?  Bilblioteka har alltid vore flinke til å omstille seg, og til å omfavne nye medier. Tenk berre på internett, og motstanden mot dette i byringa. I dag er det utenkele...
Les vidare

Les om superheltane Brune, Svartle og Blåse av Håkon Øvreås

Av Sigrun Eide -
Bilde
Er du på leiting etter ei hyggeleg høgtlesingsbok? Da må du lese om dei tre "vanlege" ungane som blir superheltar om natta. Dette er ei fin kvardagsskildring av Rune, Atle og Åse, men også dei tre andre gutane som saboterer hyttebygginga til dei fyrstnemnde. Rune (Brune) I boka "Brune" møter vi Rune og familien som  har flytta for å bu nærare Bestefar. Men ein dag dør bestefar. Rune saknar bestefar og nokre gonger finn han bestefaren sitjande på ein stein i skogbrynet. Når det skjer, har dei koselege samtaler der Rune hentar styrke og støtte. Brune og Atle er venner og har bygd ei hytte i skogen som dei har bestemt at dei skal måle brun. Men så… hytta blir ramponert av prestesonen Anton og kompisen hans Ruben.  Og der har vi motivasjonen bak Brunes eksistens. Rune lagar ei superheltdrakt, og når det blir svarte natta, tek han si hevn over gutane ved å måle ein av syklane deira brun. Neste natt får han selskap av Svartle (Atle) som også har noko ug...
Les vidare