Innlegg

Knivutstilling

Bilde
39 flotte knivar er stilt ut på biblioteket. Det er 10. klassingane ved Skjåk barne- og ungdomsskule som har hatt dette som avslutningsarbeid i faget Kunst og handverk. Lærar i faget er Randi Rust.

Utstillinga vil stå framme til 13. juni. Velkomne på knivutstilling!



Les om superheltane Brune, Svartle og Blåse av Håkon Øvreås

Bilde
Er du på leiting etter ei hyggeleg høgtlesingsbok? Da må du lese om dei tre "vanlege" ungane som blir superheltar om natta.



Dette er ei fin kvardagsskildring av Rune, Atle og Åse, men også dei tre andre gutane som saboterer hyttebygginga til dei fyrstnemnde.
Rune (Brune)
I boka "Brune" møter vi Rune og familien som  har flytta for å bu nærare Bestefar. Men ein dag dør bestefar. Rune saknar bestefar og nokre gonger finn han bestefaren sitjande på ein stein i skogbrynet. Når det skjer, har dei koselege samtaler der Rune hentar styrke og støtte.
Brune og Atle er venner og har bygd ei hytte i skogen som dei har bestemt at dei skal måle brun. Men så… hytta blir ramponert av prestesonen Anton og kompisen hans Ruben. Og der har vi motivasjonen bak Brunes eksistens. Rune lagar ei superheltdrakt, og når det blir svarte natta, tek han si hevn over gutane ved å måle ein av syklane deira brun. Neste natt får han selskap av Svartle (Atle) som også har noko ugjort med bøllegutane. H…

Sommarles 2019

Bilde
Sommarles er ein digital lesekampanje for 1.-7. klasse som varer frå 1. juni til 31. august. På sommarles.no kan du registrere bøkene du les, samle poeng, få kule premiar og lesetips, lese den eksklusive Sommarles-forteljinga, løyse oppgåver og følge med på kva vennene dine les!
LeselystaksjonSommarles er ein nasjonal leselystkampanje som gjer lesing enno litt kjekkare. For kvar bok du les og registrerer på sommarles.no, får du XP (poeng), og går etter kvart opp i level.

Om du var med i fjor kan du bruke samme brukarnamn og passord.
All lesing blir rekna med og gjev poengSommarles er for alle, uansett kor fort eller sakte du les. Du konkurrerer nemleg først og fremst med deg sjølv. Du kan velje å lese vanlege bøker, e-bøker, lydbøker, teikneseriebøker, eller kanskje nokon kan lese høgt for deg – all lesing tel og gir deg poeng. Og sjølvsagt har vi premiar. Du kan få både kule digitale trofé til profilen din på nettsida, og premiar som du hentar på biblioteket.
Sommarles er ein nettbas…

Jan Ove Ekeberg

Bilde
Avslutning Vinterles
No har vi runda av Vinterles med eit forfattarbesøk. Jan Ove Ekeberg er ferdig med turnéen på biblioteka i Nord-Gudbrandsdalen. Den tidlegare TV2-profilen har hausta svært gode kritikkar for dei historiske spenningsromanane frå vikingtida. Denne mannen kan si historie, han er svært engasjert og kunnskapsrik. Det var med stor innleving vi fekk høyre om vikingane og vikingkongen Harald Hardråde.På spørsmål frå publikum om kor mykje av historia som byggjer på historiske fakta og kva som er fri fantasi, svara Ekeberg: - Eg byggjer opp historia med bitar henta frå verkelegheita og føyer dette saman gjennom min eigen fantasi. Hovudpremien
I år gjekk hovudpremien til Vågå. Vinnaren Kjellaug Nerbø Skjellom kan gle seg til ein middag for fire personar på Billingen Seterpensjonat i Skjåk. I Skjåk fekk Eli Klepp og Johan Johansen kvar si bok av Ekeberg i trøystepremiar.Ny rekord I Skjåk har vi hatt 74 deltakarar som har levert 122 skjema. Det blir til saman 610 lesne bøker, og …

Krimforfattar på besøk i Skjåk

Bilde
Lene Lauritsen Kjølner skriv forfriskande og originale krimbøker.


Kriminell kveld
Onsdag kveld hadde vi besøk av forfattaren Lene Lauritsen Kjølner. Det vart eit spennande møte der vi fekk ein liten "smak" frå krimbøkene hennar. Vi fekk også høyre litt om to nye bøker som ikkje er utgjevne enno. 

Handlinga i bøkene er frå hennar eige distrikt, og det er privatetterforskaren Oliva Henriksen som er hovudpersonen. Til tross for drap og etterforsking, er bøkene prega av godt humør og slagferdige replikkar, og er fyrst og fremst underhaldande.

Lene skriv forfriskande og originale krimromanar som ikkje liknar på noko anna innan norsk krimlitteratur. Dette er perfekt krim for alle som ikkje er så glad i spekulativ vold, men sett pris på ei god intrige utan for mykje blod og gørr.

Har du ikkje sikra deg ein krimroman til påske enno? Kom og lån ei bok av Lene Lauritsen Kjølner, da vel :)
I de beste sirkler (Krim og spenning, Juritzen, 2018)Ingen til bords (Krim og spenning, Vigmostad &…

Boktips - Hvem i skogen?

Bilde
av Lise Dragland
Illustrert av Regine Toften Hols
Dette er ei artig bok til små lesestartarar i alderen 4 - 7 år, og perfekt for deg som likar ein klam vits og artige ordspel. Berre høyr her da: Kven i skogen får det travelt når det snør? Måke-n. 
Løveunge er ein serie med små og fargerike bildebøker med artige historier, fortalt med lite tekst, det er kun ei setning på kvar side.

Her er ein nokre "smakebitar" :


Verdas poesidag

Bilde
Verdas poesidag blir markert den 21. mars kvart år, etter at han vart innført av UNESSCO i 1999.

Føremålet med dagen er å skape merksemd rundt lesing, skriving og læring av poesi over heile verda.

Her er eit dikt av forfattaren Jan-Magnus Bruheim frå Skjåk.